اقش پرەزيدەنتى دونالد ترامپ ۋكراينا باسشىسى ۆلاديمير زەلەنسكييدى «ديكتاتور» دەپ اتاعان سوزدەرىنەن باس تارتتى.

مەن ونداي ايتتىم با؟ بۇعان سەنە الماي وتىرمىن. كەلەسى سۇراق، – دەپ جاۋاپ بەردى ءجۋرناليستىڭ سۇراعىنا اقش پرەزيدەنتى.

بۇعان دەيىن، ياعني 19 اقپاندا ترامپ Truth Social پلاتفورماسىنداعى جازباسىندا ۋكراينا پرەزيدەنتىن «سايلاۋسىز ديكتاتور» دەپ اتادى. ويتكەنى ول ءوز ەلىندە سايلاۋ وتكىزۋدەن باس تارتىپ وتىر-مىس.

زەلەنسكييگە اسىعۋ كەرەك، ايتپەسە ونىڭ ەلى قالمايدى، – دەپ قوستى امەريكالىق ليدەر. 

سول كۇنى دونالد ترامپ بۇل ءسوزىن ماياميدەگى ميتينگتە تاعى قايتالادى.

24 اقپاندا اقش پرەزيدەنتىنەن "ۆلاديمير ءپۋتيندى ديكتاتور دەپ اتاي الاسىز با؟" دەپ سۇراعاندا، ول "مەن مۇنداي سوزدەردى ويلانباي قولدانبايمىن" دەپ، رەسەي باسشىسىنا ەشتەڭە دەمەدى.

اق ءۇي باسشىسىنىڭ مالىمدەمەلەرىن ۋكراينا دا، شەتەلدىك ساياساتكەرلەر دە سىنعا الدى. اتاپ ايتقاندا، گەرمانيا كانسلەرى ولاف شولس اقش پرەزيدەنتىنىڭ سوزدەرىن «قاتە ءارى ءقاۋىپتى» دەپ اتادى. 

 ۆلاديمير زەلەنسكيي – ۋكراينا مەملەكەتىنىڭ زاڭدى تۇردە سايلانعان باسشىسى. سوعىس جاعدايىندا لايىقتى سايلاۋ وتكىزۋ مۇمكىن ەمەس ەكەنى ۋكراينا كونستيتۋسياسى مەن سايلاۋ زاڭدارىنا سايكەس كەلەدى. ەشكىم بۇعان قارسى ءۋاج ايتا المايدى، – دەپ اتاپ ءوتتى گەرمانيا ۇكىمەتىنىڭ باسشىسى.

ەۋروكوميسسيا ترامپتىڭ زەلەنسكييگە باعىتتالعان سوزدىك شابۋىلىنا قاتىستى «بۇل ماسەلەدە ءبىزدىڭ ۇستانىمىمىز ايقىن جانە ناقتى: پرەزيدەنت زەلەنسكيي ەركىن، ءادىل جانە دەموكراتيالىق سايلاۋدا زاڭدى تۇردە سايلانعان. ۋكراينا – دەموكراتيالى ەل، ال پۋتين بيلىگىندەگى رەسەي – ولاي ەمەس»، – دەپ مالىمدەدى. 

بۇۇ دا ۆلاديمير زەلەنسكييدىڭ «زاڭدى تۇردە وتكەن سايلاۋ ناتيجەسىندە ءوز قىزمەتىن اتقارىپ وتىرعانىن» راستادى.