قارجىلىق مونيتورينگ اگەنتتىگى قىلمىستىق توپتىڭ قىزمەتىن اشكەرەلەدى. ولار اي-92 ماركالى بەنزينىن قىرعىز رەسپۋبليكاسىنا زاڭسىز شىعارىپ، ساتىپ وتىرعان.

مالىمەتتەرگە سەنسەك، تەرگەۋ بارىسىندا كۇدىكتىلەردىڭ قازاقستان اۋماعىندا بەنزيندى ەرىتكىش جانە ديستيلليات رەتىندە راسىمدەپ، جالعان قۇجاتتار ارقىلى شەكارادان زاڭسىز وتكىزگەنى انىقتالدى. جەدەل ىزدەستىرۋ ءىس-شارالارى بارىسىندا "تۇركسىب" ستانسياسىندا زاڭسىز جولمەن جونەلتىلگەن 500 تونناعا جۋىق بەنزين تيەلگەن 8 تەمىرجول سيستەرناسى ۇستالدى. جۇك "قارا ماي ويل" شاعىن مۇناي وڭدەۋ زاۋىتىنان جونەلتىلگەن جانە قىرعىزستانعا باعىتتالعان.

تەرگەۋ مالىمەتتەرىنە سايكەس 2023-2024 جىلدارى اتالعان شاعىن زاۋىتتان 102 مىڭ توننادان استام مۇناي ونىمدەرى كورشى مەملەكەتكە ەكسپورتتالعان.

الدىن الا ەسەپ بويىنشا قىلمىستىق توپتىڭ كولەڭكەلى اينالىمى سوڭعى ەكى جىلدا 15،5 ميلليارد تەڭگەدەن اسىپ ءتۇستى. اتالعان ءىس بويىنشا ءۇش كۇدىكتىگە مەملەكەتارالىق ىزدەۋ جاريالاندى:

• پوپوۆ الەكسەي الەكساندروۆيچ، 27.04.1987 جىلى تۋعان، قازاقستان رەسپۋبليكاسىنىڭ ازاماتى، جامبىل وبلىسى، تاراز قالاسىنىڭ تۋماسى، بۇرىن سوتتالماعان.
• يبرايموۆ راحىمجان مامات ۇلى، 29.01.1996 جىلى تۋعان، قازاقستان رەسپۋبليكاسىنىڭ ازاماتى، وزبەكستان رەسپۋبليكاسىنىڭ چارتاك قالاسىنىڭ تۋماسى، بۇرىن سوتتالماعان.
• ساعىندىقوۆ سەرىك ەرلان ۇلى، 29.07.1987 جىلى تۋعان، قازاقستان رەسپۋبليكاسىنىڭ ازاماتى، جامبىل وبلىسىنىڭ تۋماسى، بۇرىن سوتتالماعان.

ولارعا "قاماققا الۋ" تۇرىندەگى بۇلتارتپاۋ شاراسى تاڭدالدى.