مەملەكەت باسشىسىنىڭ جارلىعىمەن قانات بيسيمباي ۇلى شارلاپايەۆ جاڭا قىزمەتكە كەلدى.

مەملەكەت باسشىسىنىڭ جارلىعىمەن قانات بيسيمباي ۇلى شارلاپايەۆ قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، - دەلىنگەن اقوردا حابارلاماسىندا.

قانات بيسيمباي ۇلى شارلاپايەۆ 1981 جىلعى 9 شىلدەدە رەسەي فەدەراسياسىندا دۇنيەگە كەلگەن.

ساراتوۆ الەۋمەتتىك-ەكونوميكالىق ۋنيۆەرسيتەتىن، كرەنفيلد مەنەدجمەنت مەكتەبىن (ۇلىبريتانيا) بىتىرگەن. ماماندىعى بويىنشا ەكونوميست، قارجى جانە باسقارۋ ماگيسترى.

سونداي-اق، پرەزيدەنتتىڭ جارلىعىمەن تاعى بىرنەشە ءاۋىس-تۇيىس بولدى.

مەملەكەت باسشىسىنىڭ جارلىعىمەن جاندوس نۇرلان ۇلى شايماردانوۆ قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى لاۋازىمىنان بوساتىلدى.

مەملەكەت باسشىسىنىڭ جارلىعىمەن اسەت ارمان ۇلى ەرعالييەۆ قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

مەملەكەت باسشىسىنىڭ وكىمىمەن اباي سەرىك ۇلى قايىربەكوۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى – قىلمىستىق-اتقارۋ جۇيەسى كوميتەتىنىڭ ءتوراعاسى لاۋازىمىنا تاعايىندالدى، - دەپ حابارلادى اقوردادان.