TOP PRO CINEMA” پروديۋسەرلىك ورتالىعىنىڭ باس ديرەكتورى الەكساندر اكسيۋتيس ۇكىمەت باسشىسىنا قازاقستاندىق فيلمدەردىڭ پروكاتتا قانشا اقشا جيناعانىن باياندادى.

ونىڭ ايتۋىنشا، وتاندىق فيلمدەر سانى 2023 جىلى 65-تەن 2024 جىلى 107-گە دەيىن كوبەيگەن. ولاردىڭ جالپى تابىسى 22 ملرد تەڭگە. كينوتەاترلاردا ەڭ كوپ اقشا تاپقان ۇزدىك 20 كينوتۋىندىنىڭ 70 پايىزى وتاندىق فيلمدەر.

"ەڭ ماڭىزدىسى – قازاقستاندىقتاردىڭ ۇلتتىق كينوعا دەگەن قىزىعۋشىلىعى ارتىپ كەلەدى. وسىنىڭ ارقاسىندا سالاعا ينۆەستورلار كەلىپ جاتىر. كونكۋرستارعا اشىقتىق بۇعان مۇرىندىق بولدى"، دەيدى اكسيۋتيس. 

سونداي-اۇ ول ەلدەگى سۇرانىس ۇلكەن بولعانىمەن، ونى قاناعاتتاندىرۋ قيىنعا اينالعانىن ايتىپ ءوتتى. سەناريست، پروديۋسسەر، وپەراتور، گريمەرلەرگە دەيىن جەتىسپەيدى. “يندۋستريانى قولداۋدى سۇرايمىز” دەيدى ول.

بەكتەنوۆ ءوز تاراپىنان يندۋسترياعا قولداۋ بولاتىنىن ءمالىم ەتتى. ونىڭ ايتۋىنشا، سالادا ۇلكەن الەۋەت بار.