تيكتوك قولدانۋشىسى ءوزىنىڭ پاراقشاسىندا سمولل ساۋدا ۇيىندە قازاقتىڭ اۋەندەرى ويناپ تۇرعانىن كورسەتكەن. بۇل جايت كوپشىلىكتىڭ نازارىن اۋدارىپ، ەل ىشىندە كەڭىنەن تارالىپ، ءتۇرلى پىكىرلەر تۋدىردى.

بۇل جاعدايدى جەلى قولدانۋشىلارى ماگنۋمداعى تىلگە قاتىستى ماسەلەدەن كەيىن Small وزدەرىنىڭ ماركەتينگىن كوتەرۋ ءۇشىن جاساپ وتىر دەپ تۇجىرىمداسا، كەيبىرەۋلەرى " ماگنۋمنىڭ وقيعاسى كەشە مەن بۇگىن بولىپ جاتىر عوي. ال سمولل بۇرىننان قازاقشا مۋزىكا قويادى" دەسە، ءبىرى "سمولدا بۇرىن جۇمىس ىستەگەنىمدە تەك قازاقشا اندەر ايتىلاتىن. ال ماگنۋمعا كىرگەندە تەك وزدەرىنىڭ جارنامالىق اندەرىن عانا قوسىپ قويادى" دەپ پىكىرلەرىن ءبىلدىردى.

P.S. قازاقتىڭ اۋەندەرى قازىرگى زاماننىڭ ساۋدا ورتالىقتارىندا دا ورىن تابۋى، ۇلتتىق مادەنيەتتىڭ قايتا جاڭعىرىپ، زاماناۋي ترەندتەرمەن ۇيلەسىمدى تۇردە دامىپ كەلە جاتقانىنىڭ بەلگىسى. سمولل ساۋدا ءۇيى سياقتى ۇلكەن ساۋدا ورتالىقتارىندا، اسىرەسە، جاسوسپىرىمدەر مەن جاستار ءجيى بولاتىندىقتان، قازاق اۋەندەرىنىڭ تىڭدالۋى مادەنيەتتىڭ كەڭىنەن تارالۋىنا اسەر ەتەدى.