2024 جىلى قازاقستانعا 10،4 ميلليون شەتەلدىك تۋريست كەلگەنىمەن، ولاردىڭ 9 ميلليونى تىركەلمەگەن. بۇل تۋرالى ۇكىمەت وتىرىسىندا تۋريزم جانە سپورت ءمينيسترى ەربول مىرزابوسىنوۆ مالىمدەدى.

ىشكى تۋريستەر سانى 10،5 ميلليون ادامعا جەتتى. بۇل 2023 جىلمەن سالىستىرعاندا 900 مىڭعا ارتىق. ال قازاقستانعا ءارتۇرلى ماقساتپەن كەلگەن شەتەلدىك قوناقتار سانى – 15،3 ميلليون. ولاردىڭ 10،4 ميلليونى ەلىمىزدە ءبىر كۇننەن ارتىق ۋاقىت بولعان. ءبىز ولاردى شەتەلدىك تۋريستەر قاتارىنا قوسامىز، – دەدى مينيستر.

الايدا ناقتى ستاتيستيكاعا جۇگىنگەندە، 10،4 ميلليون شەتەلدىك ءتۋريستىڭ 9 ميلليونى قوناق ۇيلەردە نەمەسە وزگە ورنالاستىرۋ ورىندارىندا تىركەلمەگەنى بەلگىلى بولدى.

قازىرگى ۋاقىتتا شەتەلدىك كەلۋشىلەر تۋرالى دەرەك ۇلتتىق قاۋىپسىزدىك كوميتەتى شەكارا قىزمەتىنىڭ ەسەبى نەگىزىندە، ال ىشكى تۋريستەر جايلى مالىمەت ورنالاستىرۋ نىساندارىنىڭ اقپاراتى ارقىلى قالىپتاستىرىلادى، – دەدى ەربول مىرزابوسىنوۆ.