"جولاۋشىلار تاسىمالى" اق پويىزعا وتىراردا قانداي زاتتاردى الىپ جۇرۋگە بولمايتىنىن ەسكە سالادى.

قازاقستان زاڭىنا ساي، كەيبىر ءقاۋىپتى زاتتاردى پويىزعا الىپ وتۋگە مۇلدە تىيىم سالىنعان. مۇنداي ارەكەت ءۇشىن جاۋاپكەرشىلىك قاراستىرىلعان.

پويىزدا الىپ جۇرۋگە تىيىم سالىنعان زاتتار:

* جارىلعىش زاتتار مەن قۇرىلعىلار؛
* بەنزين، مەتانول سياقتى تەز تۇتاناتىن سۇيىقتىقتار؛
* جانعىش قاتتى زاتتار؛
* ۋلى نەمەسە كۇشتى اسەرى بار حيميالىق زاتتار؛
* جۇقپالى نەمەسە بيولوگيالىق ءقاۋىپتى ماتەريالدار؛
* اتىس قارۋى مەن پىشاق، كاستەت، سويىل سياقتى سۋىق قارۋلار؛
* وق-دارىلەر مەن ءتۇرلى پاتروندار.

جولاۋشىلار پويىزعا مىنبەس بۇرىن ارنايى تەكسەرىستەن وتەدى. بارلىق ءىرى ۆوكزالدار زاماناۋي قاۋىپسىزدىك قۇرىلعىلارىمەن جابدىقتالعان: مەتالل ىزدەگىشتەر، رەنتگەن اپپاراتتارى، بەينەباقىلاۋ جۇيەلەرى جۇمىس ىستەيدى. سونىمەن قاتار، قاۋىپسىزدىكتى پوليسيا مەن كۇزەت قىزمەتكەرلەرى تاۋلىك بويى قاداعالاپ وتىرادى.

پويىز ىشىندە دە باقىلاۋ بار. ۆاگونداردا ورناتىلعان بەينەكامەرالار ارقىلى قوزعالىس ۇنەمى تەكسەرىلەدى. بۇل جازبالار تەك ارنايى ماماندارعا قولجەتىمدى.

جولاۋشىلار تاسىمالىنىڭ مالىمەتىنشە، قازىرگى تاڭدا "تالگو" پويىزدارىنىڭ 24 قۇرامىندا 1350 كامەرا جۇمىس ىستەپ تۇر.