قازاقستاندا اكىمدەر ءۇشىن ەكى جىلدىق سىناق مەرزىمىن ەنگىزۋ ۇسىنىلدى
ءماجىلىس دەپۋتاتى باقىتجان بازاربەك اكىمدەرگە قاتىستى جاڭا باستاما ۇسىندى. ول وبلىس، قالا جانە اۋدان اكىمدەرى ءۇشىن ەكى جىلدىق سىناق مەرزىمىن ەنگىزۋدى تالاپ ەتتى.
دەپۋتاتتىڭ ايتۋىنشا، وسى سىناق مەرزىمى اياقتالعاننان كەيىن اكىمنىڭ جۇمىسى ناقتى ماكروەكونوميكالىق كورسەتكىشتەرگە سۇيەنە وتىرىپ باعالانۋى ءتيىس.
"ەگەر ناتيجە بولماسا — اكىم قىزمەتىنەن كەتۋى كەرەك. بۇل — ءتيىمسىز جۇمىستىڭ بەلگىسى. حالىق ءدال وسىنداي تۇبەگەيلى وزگەرىستى كۇتىپ وتىر دەپ ەسەپتەيمىن"، — دەدى بازاربەك ماجىلىستە وتكەن ۇكىمەت ساعاتىندا.
-
2024 جىلدان باستاپ بارلىق اۋدان اكىمدەرىن حالىق تىكەلەي سايلايتىن جۇيە ەنگىزىلدى.
-
شىعىس قازاقستان وبلىسىندا قالا جانە اۋدان اكىمدەرىنىڭ قىزمەتى KPI كورسەتكىشتەرى نەگىزىندە باعالانادى.
-
سونداي-اق، بيىل ءساۋىر ايىندا ەۋرازيالىق ينتەگراسيا ينستيتۋتىندا اكىمدەردى تىكەلەي سايلاۋ ينستيتۋتىن دامىتۋ ماسەلەسى تالقىلاندى.
