بۇل تۋرالى قوعام بەلسەنلىسى ابزال دوستيار فەيسبۋك پاراقشاسىندا ءسۇيىنشى سۇراپ جازدى.
سولتۇستىك قازاقستان وبلىسىندا تۇراتىن جانسۇلۋ دارحامبايەۆانىڭ پەرزەنتحانادان بىردەن تۇرمەگە اتتانۋى مۇمكىن ەدى. الايدا قوعام ءۇنسىز قالمادى. جۇزدەگەن بەلسەندى، قۇقىق قورعاۋشى، جۋرناليست پەن جاي عانا نەمقۇرايلى ەمەس ازاماتتار بۇل ادىلەتسىزدىككە قارسى تۇردى. ناتيجەسىندە – ادىلدىككە ءبىر قادام جاقىندادىق.
ەسكە سالساق، ۇلتارازدىقتى قوزدىردى دەگەن ايىپپەن جانسۇلۋدىڭ تۇرمەگە توعىتىلۋى قوعامدا ۇلكەن رەزونانس تۋدىرعان بولاتىن. ول بالا تاربيەلەپ وتىرعان انا، ومىرگە ەندى عانا ءسابي اكەلگەن جاس كەلىنشەك. ءبىراق وعان قاتىستى سوت ۇكىمى ونى سابيىمەن تۇرمەگە جىبەرۋدى قاراستىرعان. الايدا بۇل جاعداي ەلدىڭ تۇكپىر-تۇكپىرىندەگى ادامداردى بەيجاي قالدىرمادى.
كوپشىلىكتىڭ داۋىسى بيلىككە جەتتى. قوعامنىڭ، باق-تىڭ، قۇقىق قورعاۋشىلاردىڭ بىرلەسكەن ارەكەتى ناتيجەسىندە جانسۇلۋ دارحامبايەۆا بوستاندىققا شىقتى. ءيا، ول تولىق اقتالىپ شىققان جوق — جازاسىن وتەۋ مەرزىمى ەكى جىلعا كەيىنگە قالدىرىلدى. ءبىراق ءدال ءقازىر ەڭ ماڭىزدىسى — ول تۇرمەگە ەمەس، ۇيىنە قايتتى.
