يراندا تۋعان قازاق قىزى قازاقستانعا العاش كەلگەندە، كوپتەن كۇتكەن تۋعان جەردىڭ جىلۋىن، رۋحاني جاقىندىعىن سەزىنەمىن دەپ ۇمىتتەنگەن ەدى.
الايدا ول مۇندا قازاق ءتىلىنىڭ ورنىنا كوبىنە ورىس تىلىندە سويلەيتىن ادامداردى كورىپ، قاتتى تاڭعالعانىن ايتادى. قازاق دالاسىنا دەگەن ساعىنىشىن ارقالاپ كەلگەن قىز، كوپشىلىكتىڭ ءوز تىلىندە سويلەمەيتىنىن كورگەندە كوڭىلى قۇلازىپ، كوزىنە جاس الدى.
ول ءوز ويىن: «قازاقستانعا بارسام، ءوزىمدى ۇيىمدە جۇرگەندەي سەزىنەمىن دەپ ويلادىم. ءبىراق كوبىسى مەن تۇسىنبەيتىن تىلدە سويلەيدى. ءوز جەرىمدە ءوزىمدى بوتەن سەزىندىم»، – دەپ جەتكىزدى.
