ريم پاپاسى ليەۆ XIV الەم جۇرتشىلىعىن تاياۋ شىعىستاعى قاقتىعىستى توقتاتۋعا شاقىردى. ۆاتيكان تاراتقان مالىمدەمەدە پاپا سوعىستىڭ، اسىرەسە تاياۋ شىعىستاعى قانتوگىستىڭ دەرەۋ توقتاتىلۋى كەرەكتىگىن اتاپ وتكەن.

«سوعىس – ەشقاشان تۇراقتى شەشىم اكەلمەيدى. ول تەك قايعى-قاسىرەت تۋدىرىپ، تەرەڭ جارا قالدىرادى»، – دەلىنگەن پاپانىڭ ۇندەۋىندە.

كاتوليك شىركەۋىنىڭ باسشىسى تاياۋ شىعىستاعى جاعدايدىڭ، اسىرەسە يرانداعى احۋالدىڭ ءالى دە ۋشىعىپ تۇرعانىنا الاڭداۋشىلىق ءبىلدىردى.

اتالعان مالىمدەمە اقش پەن يران اراسىنداعى شيەلەنىستىڭ كۇشەيۋى اياسىندا جاسالىپ وتىر. بۇعان دەيىن اقش ەكس-پرەزيدەنتى دونالد ترامپ امەريكالىق اسكەريلەر يرانداعى يادرولىق نىساندارعا سوققى جاساعانىن مالىمدەگەن بولاتىن. ونىڭ ايتۋىنشا، شابۋىلدان كەيىن امەريكالىق ۇشاقتار يران اۋە كەڭىستىگىنەن شىعىپ، كەرى قايتقان.

سونىمەن قاتار ترامپ اكىمشىلىگى بۇل اسكەري وپەراسيا تۋرالى ءيزرايلدى الدىن الا قۇلاعدار ەتكەن. يران تاراپى اقش-تىڭ اۋە سوققىلارىن راستادى. ايتا كەتەيىك، بۇعان دەيىن ترامپ الداعى ەكى اپتا ىشىندە يرانعا شابۋىل جاساۋ جوسپارى بار ەكەنىن مالىمدەگەن ەدى. ال اقش ۆيسە-پرەزيدەنتى بۇل سوعىسقا ەلدىڭ تىكەلەي ارالاسۋىنا قارسى ەكەنىن اشىق ايتقان.