سەنات كۋلۋارىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارينگە جۋرناليستەر ەلىمىزدەگى اتوم ەلەكتر ستانسياسىنىڭ (اەس) قۇرىلىسىنا قاتىستى ساۋال قويدى. ب ا ق وكىلدەرى رەسەي مەن قىتايدىڭ قازاقستاندا اەس سالۋعا قاتىسۋى مۇمكىن ەكەنىن اتاپ ءوتىپ، جوبا قالاي قارجىلاندىرىلاتىنىن سۇرادى.
«قازىرگى ۋاقىتتا تەك ءبىرىنشى اەس بويىنشا شەشىم قابىلداندى. جۇڭگو تاراپىنا قاتىستى ەشقانداي ناقتى شەشىم جوق. بۇل باعىتتا ارنايى اگەنتتىك قۇرىلدى. مەن بۇل سالاعا تىكەلەي جاۋاپتى ەمەسپىن. ەگەر ناقتى، مازمۇندى جاۋاپ قاجەت بولسا، قۇزىرەتتى ورگانعا جۇگىنگەنىڭىز ءجون»، – دەدى سەرىك جۇمانعارين.
ايتا كەتەيىك، بۇعان دەيىن قازاقستان مەن رەسەي اراسىندا اەس سالۋ جونىندەگى جول كارتاسى بەكىتىلگەن بولاتىن.
