سەنات كۋلۋارىندا بۇل سۇراققا سەنات ءتوراعاسى ماۋلەن اشىمبايەۆ جاۋاپ بەردى.
— بۇل تاقىرىپ ءجيى كوتەرىلىپ جاتىر دەپ ايتا المايمىن. مۇمكىن، كەيبىرەۋلەر مۇنداي اقپاراتتى تاراتىپ جاتقان بولار. ءبىز كوپتەگەن زاڭ جوبالارىن قاراپ، كۇن تارتىبىنە ساي تۇراقتى جۇمىس جۇرگىزىپ كەلەمىز. سوندىقتان مەرزىمىنەن بۇرىن سايلاۋ وتەدى دەۋگە ەشقانداي نەگىز جوق، — دەدى ول.
سەنات ءتوراعاسىنىڭ ايتۋىنشا، قازىرگى تاڭدا پارلامەنت، سونىڭ ىشىندە سەنات، زاڭنامالىق جوسپارعا سايكەس تۇراقتى تۇردە جۇمىس ىستەپ جاتىر.
ەسكە سالا كەتەيىك، بۇعان دەيىن الەۋمەتتىك جەلىلەر مەن كەيبىر Telegram-ارنالاردا كۇزدە كەزەكتەن تىس سايلاۋ وتەدى دەگەن بەيرەسمي اقپارات تاراعان بولاتىن.
