2025 جىلعى 30 ماۋسىمدا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى قالالىق فيليالى جۇرگىزۋشى كۋالىگىن جوعالتقان جاعدايدا نە ىستەۋ كەرەكتىگى تۋرالى تۇسىندىرمە بەردى.

مامانداردىڭ ايتۋىنشا، جۇرگىزۋشى كۋالىگىن قالپىنا كەلتىرۋ ءۇشىن ازاماتتار ارنايى مامانداندىرىلعان حالىققا قىزمەت كورسەتۋ ورتالىعىنا (ارنايى حقكو) جۇگىنۋى ءتيىس. وندا بەلگىلەنگەن نىسان بويىنشا ءوتىنىش تولتىرىلادى.

قاجەتتى قۇجاتتار:

• جەكە كۋالىك

• مەملەكەتتىك باجدى (1،25 اەك — 2025 جىلى 4921 تەڭگە) تولەگەنى تۋرالى تۇبىرتەك

جۇرگىزۋشى كۋالىگىنىڭ تەلنۇسقاسى شامامەن 90 مينۋت ىشىندە دايىندالادى. بۇرىنعى كۋالىك اۆتوماتتى تۇردە جارامسىز دەپ تانىلادى.

ەگەر بۇرىنعى كۋالىكتىڭ جارامدىلىق مەرزىمى ءوتىپ كەتكەن بولسا، ءوتىنىش بەرۋشى 073/ۋ نىسانىنداعى مەديسينالىق انىقتامانى ۇسىنۋى قاجەت. الايدا بۇل قۇجاتتىڭ ناتيجەلەرى ەلەكتروندى تۇردە اقپاراتتىق جۇيەگە ەنگىزىلەدى، سوندىقتان قاعاز تۇرىندە الىپ كەلۋ تالاپ ەتىلمەيدى.

سونداي-اق پسيحياتريالىق جانە ناركولوگيالىق ديسپانسەرلەردەن انىقتاما تالاپ ەتىلمەيدى.

فيليال مىناداي جاعدايلاردا جاڭا جۇرگىزۋشى كۋالىگىن الۋعا ءوتىنىش بەرۋگە بولاتىنىن ەسكە سالادى:

• جۇرگىزۋشى كۋالىگىن جوعالتۋ

• جارامدىلىق مەرزىمىنىڭ ءوتۋى

• جەكە دەرەكتەردىڭ وزگەرۋى

• قۇجاتتىڭ ءبۇلىنۋى

• جاڭا جۇرگىزۋشى ساناتىنىڭ قوسىلۋى

ماماندار قۇجاتتاردى اۋىستىرۋدى سوڭعى كۇنگە قالدىرماي، كۋالىكتىڭ جارامدىلىق مەرزىمى اياقتالۋعا 1–2 اي قالعاندا ءوتىنىش بەرۋدى ۇسىنادى.