جۋرناليست، YouTube جەلىسىندەگى «Ne deidi» ارناسىنىڭ اۆتورى دۋمان مۇحاممەدكارىم ەكى قىلمىستىق ءىس بويىنشا كۇدىككە ءىلىنىپ، ەكى ايعا قامالدى. وعان تاعىلعان ەكى ايىپ تا ەكسترەميزمگە قاتىستى. جۋرناليست 1978 جىلى 9 شىلدەدە شقو ءۇرجار اۋدانى ءۇرجار اۋىلىندا دۇنيەگە كەلگەن. 

دۋمان مۇحامەدكارىم ءقازىر قىزىلورداداعى N60 مەكەمەدە قاماۋدا وتىر.  بۇگىنگى تۋعان كۇنىنە وراي قويشىبەك مۇباراك، ەسداۋلەت قىزىربەك ۇلى جانە ابزال دوستيار سەكىلدى جۋرناليستەر ىزدەپ بارىپ، قولداۋ كورسەتكەندەرىن ايتتى. 

قونايەۆ قالالىق سوتى ونى كىنالى دەپ تانىپ، 7 جىلعا باس بوستاندىعىنان ايىرعان. جۋرناليستىك سوتى جابىق وتكەن. ول ءىستى اشىق قاراۋدى تالاپ ەتىپ، بىرنشە رەت اشتىق تا جاريالاعان. ىسكە ءجۋرناليستىڭ شەتەلدە تۇراتىن تىركەلمەگەن «قازاقستاننىڭ دەموكراتيالىق تاڭداۋى» (قدت) قوزعالىسىنىڭ جەتەكشىسى، ەكس-بانكير مۇحتار ءابليازوۆتان العان سۇحباتى سەبەپ بولعان. قازاقستان سوتى قدت قوزعالىسىن «ەكسترەميستىك ۇيىم» دەپ تانىپ، قىزمەتىنە تىيىم سالعان. 

قازاقستاندىق قۇقىق قورعاۋشىلار جۋرناليست دۋمان مۇحاممەدكارىمدى «ساياسي تۇتقىن» دەپ تانىعان. رەسمي استانا ەلدە «ساياسي تۇتقىن» دا جوق، ساياسي كوزقاراسىنا بولا قۋدالاۋعا تۇسكەن دە ەشكىم جوق دەيدى.