استانادا پەريزات قايرات پەن ونىڭ اناسى عايني الاشبايەۆاعا قاتىستى ءىس بويىنشا الدىن الا تىڭداۋ باستالدى، دەپ حابارلايدى Qamshy.kz اقپاراتتىق اگەنتتىگى.
الدىن الا تىڭدالىم كەزىندە كۇدىكتىلەر سوت وتىرىسىنا ب ا ق وكىلدەرىنىڭ قاتىسۋىن جانە فوتو-ۆيدەوعا تۇسىرۋگە تىيىم سالۋدى تالاپ ەتتى.
ەلوردا سوتىنىڭ باسپا ءسوز قىزمەتى الدىن الا تىڭداۋدىڭ باستالعانىن راستادى. بۇل تۋرالى الدىن الا حابارلانباعان.
"بۇگىن الدىن الا تىڭداۋ ءوتتى. باسپا ءسوز قىزمەتى ەشكىمدى جەكە دە، ورتاق چات ارقىلى دا شاقىرعان جوق. بۇگىن وتىنىشتەر قارالىپ جاتىر. سوت وتىرىستىڭ اشىق نەمەسە جابىق بولۋ ماسەلەسى بويىنشا كەڭەسۋ بولمەسىنە كەتتى. اياقتالعاننان كەيىن اقپارات بەرەمىز"، – دەلىنگەن حابارلامادا.
ەسكە سالساق بۇعان دەيىن ۆولونتەر پەريزات قايرات «كومەككە جينالعان 3،5 ملرد تەڭگەنى جىمقىرعان» دەگەن كۇدىكپەن ۇستالىپ، تەرگەلىپ جاتىر.
