قازاقستاننىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋى وزگەرتىلمەك. ەندى وقۋ ورنى ق ر ۇلتتىق قورعانىس ۋنيۆەرسيتەتى دەپ اتالاتىن بولادى. بۇل تۋرالى ءتيىستى قۇجات اشىق نقا پورتالىندا جاريالاندى.
عىلىم جانە جوعارى ءبىلىم مينيسترلىگى «جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ەرەكشە مارتەبەسى تۋرالى» ۇكىمەت قاۋلىسىنا وزگەرىس ەنگىزۋدى ۇسىنىپ وتىر. قۇجات جوباسىندا:
- قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋىن قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى دەپ وزگەرىستەر ەنگىزۋ كوزدەلگەن، - دەپ جازىلعان.
جوبانى تالقىلاۋ 18 شىلدەگە دەيىن جالعاسادى.
