24 جاستاعى ەر ادام مينيسترلىكتەر ءۇيىن ورتەمەك بولدى

/uploads/thumbnail/20250710172549821_big.webp

استانادا 24 جاستاعى ەر ادام مينيسترلىكتەر ءۇيىنىڭ كىرەبەرىستەرىنىڭ بىرىندە ءورت قويۋعا ارەكەت جاساعان. 

الەۋمەتتىك جەلىلەردە ءورت قويۋ ارەكەتىنەن كەيىنگى جاعدايدىڭ ۆيدەوسى پايدا بولدى. شابۋىل جاساعان ادام كىرەبەرىستەگى تۋرنيكەتكە جانعىش قوسپانى لاقتىرعان.

"بەلگىسىز ەر ادام عيماراتقا كىرىپ، جانعىش قوسپانى تۋرنيكەتكە لاقتىرعان. سالدارىنان شامامەن 2 شارشى مەتر اۋماقتا ءورت شىقتى. قۇتقارۋشىلاردىڭ ۇيلەسىمدى ءىس-قيمىلدارىنىڭ ارقاسىندا ءورت سوندىرگىشتىڭ كومەگىمەن تولىعىمەن جويىلدى"، - دەيدى استانا قالالىق توتەنشە جاعدايلار دەپارتامەنتى.
 
وقيعا كەزىندە ەشكىم زارداپ شەكپەدى. 
 
"مينيسترلىكتەر ءۇيىنىڭ كىرەبەرىسىن ورتەپ جىبەرگەن 24 جاستاعى ازاماتتى انىقتاپ، ۇستادى. قازىرگى ۋاقىتتا سوتقا دەيىنگى تەرگەۋ باستالدى. بولعان وقيعانىڭ بارلىق جاعدايلارى انىقتالاتىن بولادى"، - دەيدى قالالىق پوليسيا دەپارتامەنتىنىڭ باسپا ءسوز قىزمەتى.
 
 

قاتىستى ماقالالار