توقايەۆ ترامپتىڭ باج سالىعىنا قاتىستى حاتىنا جاۋاپ بەردى

/uploads/thumbnail/20250710120606727_big.webp

قاسىم-جومارت توقايەۆ دونالد ترامپتىڭ قازاقستاننان يمپورتتالاتىن تاۋارلارعا باج سالىعىن سالۋ تۋرالى حاتىنا جاۋاپ جولدادى، Qamshy.kz اقپاراتتىق اگەنتتىگى. 

مەملەكەت باسشىسى قازاقستان امەريكا قۇراما شتاتتارىنىڭ بۇرىننان كەلە جاتقان سەنىمدى ساۋدا ءارى ينۆەستيسيالىق سەرىكتەسى رەتىندە ءادىل، تۇسىنىكتى جانە ءوزارا ءتيىمدى ساۋدا بايلانىستارىن دامىتۋعا بەيىلدىلىگىن اتاپ ءوتتى.

"قازاقستان پرەزيدەنتى ساۋدا ماسەلەلەرى بويىنشا راسيونالدى شەشىم ازىرلەۋ ماقساتىندا ەلىمىزدىڭ كونسترۋكتيۆتى ديالوگتى جالعاستىرۋعا دايىن ەكەنىن جەتكىزدى. قاسىم-جومارت توقايەۆ ساۋدا پروبلەماسىنا قاتىستى ورتاق مامىلەگە قول جەتكىزۋگە بولاتىنىنا سەنىم ءبىلدىردى"، - دەپ جازىلعان حابارلامادا.

بۇعان دەيىن اقش پرەزيدەنتى دونالد ترامپ 2025 جىلدىڭ 1 تامىزىنان باستاپ قازاقستاننان جەتكىزىلەتىن بارلىق تاۋارلارعا 25 پايىزدىق باج سالىعىن ەنگىزەتىنىن جاريالادى. ترامپتىڭ ايتۋىنشا، بۇل شەشىم قازاقستانمەن اراداعى «ۇزاق مەرزىمدى جانە تۇراقتى ساۋدا تاپشىلىعى» سالدارىنان قابىلدانعان. قاسىم-جومارت توقايەۆتىڭ اتىنا جولدانعان حاتىندا اقش باسشىسى كوپجىلدىق كەلىسسوزدەرگە قاراماستان، «ەكىجاقتى قاتىناستاردىڭ ءبىرجاقتى كۇيىندە قالىپ وتىرعانىن» اتاپ وتكەن.

قاتىستى تەگتەر :

قاتىستى ماقالالار