پرەمەر-مينيستر ولجاس بەكتەنوۆ ۇكىمەتتەگى باسپا ءسوز بريفينگى بارىسىندا قازاقستاندا ديەۆالۆاسيا كۇتىلە مە دەگەن سۇراققا جاۋاپ بەردى دەپ جازادى Qamshy.kz اقپارات اگەنتتىگى Ulusmedia.kz سايتىنا سىلتەمە جاساپ.

بەكتەنوۆتىڭ ايتۋىنشا، قازاقستاندا دوللار باعامى نارىقتىق فاكتورلار نەگىزىندە قالىپتاسادى.

- تەڭگە باعامىنىڭ كۇرت السىرەۋىنە العىشارت جوق. ءبىز بيۋدجەت جوباسىمەن جۇمىس ىستەپ جاتىرمىز جانە دوللاردىڭ تەڭگەگە قاتىستى بازالىق باعامىن ءبىر باررەل مۇناي باعاسى شامامەن 60 دوللار بولعان جاعدايدا 540 تەڭگە كولەمىندە قاراستىرامىز. ەگەر مۇناي باعاسى 50 دوللارعا دەيىن تومەندەپ كەتسە، وندا پەسسيميستىك سەناريي ىسكە قوسىلادى جانە باسقا تەتىكتەر جۇمىس ىستەيدى، – دەدى بەكتەنوۆ.

سونىمەن قاتار، ۇكىمەت باسشىسى بازالىق سەنارييدىڭ ەڭ شىنايى نۇسقا ەكەنىن جانە قازاقستاندا ديەۆالۆاسيا كۇتىلمەيتىنىن ناقتىلادى.