پاۆلوداردا ايەل كوپقاباتتى ءۇيدىڭ تەرەزەسىنەن ەكى بالاسىن لاقتىرىپ، كەيىن ءوزى دە سەكىرىپ كەتكەن، دەپ جازادى Qamshy.kz اقپاراتتىق اگەنتتىگى.
قايعىلى وقيعاعا قاتىستى اقپارات “زا نامي ۆىەحالي” تەلەگرام ارناسى حابارلادى. ارنانىڭ مالىمەتىنشە، جەدەل جاردەم قىزمەتىنە وقيعا تۋرالى كۋاگەرلەردىڭ ءبىرى حابارلاعان.
"جولدان ءوتىپ بارا جاتقان ادام نۇرماعامبەتوۆ كوشەسىندەگى ۇيلەردىڭ بىرىندە ايەل بەسىنشى قاباتتىڭ تەرەزەسىنەن ەكى بالاسىن لاقتىرىپ، ءوزى دە سەكىرىپ كەتكەنىن حابارلادى. جوعارى سانات بويىنشا وقيعا ورنىنا جەدەل جاردەمنىڭ ءۇش بريگاداسى جىبەرىلدى"، – دەپ مالىمدەدى وبلىستىق جەدەل مەديسينالىق جاردەم ستانسياسىنىڭ باسپا ءسوز قىزمەتى.
ايەل دە اۋىر جاراقات الىپ، قالالىق №1 اۋرۋحاناعا جاتقىزىلدى. پاۆلودار وبلىسىنىڭ بالا قۇقىقتارى جونىندەگى ۋاكىلى ساۋلە شاكەنوۆانىڭ ايتۋىنشا، زارداپ شەككەن بالالاردىڭ ءبىرى – ءبىر جارىم جاستا، ەكىنشىسى – بەس جاستا.
