الماتىدا 83 جاستاعى قوعام قايراتكەرى امانتاي قاجى ايەلدى باسپالداقتان يتەرىپ جىبەرگەن وقيعادان كەيىن قىلمىستىق ءىس قوزعالدى. اقساقال ەكى جىلعا دەيىن باس بوستاندىعىنان ايىرىلۋى مۇمكىن،، - دەپ حابارلايدى Tengrinews.kz.
شىلدەدە الەۋمەتتىك جەلىلەردە 83 جاستاعى امانتاي قاجى ايەلدى باسپالداقتان يتەرىپ جىبەرگەنى تۋرالى ۆيدەو تارادى. الماتى پوليسيا دەپارتامەنتى وسى وقيعاعا قاتىستى قك-نىڭ 107-بابى "دەنساۋلىققا قاساقانا اۋىرلىعى ورتاشا زيان كەلتىرۋ" بويىنشا تەرگەۋ جۇرگىزىلىپ جاتقانىن حابارلادى.
بۇل باپ بويىنشا مىڭ اەك-كە دەيىن (2025 جىلى 3 932 تەڭگە - 3 932 000 تەڭگە) ايىپپۇل نە تۇزەۋ جۇمىستارى، نە قوعامدىق جۇمىستارعا 600 ساعاتقا دەيىن تارتۋ نە ەكى جىلعا دەيىن باس بوستاندىعىنان ايىرۋ جازاسى كوزدەلەدى.
"جاراقاتتىڭ اۋىرلىق دارەجەسىن انىقتاۋ ماقساتىندا سوت-مەديسينالىق ساراپتاما تاعايىندالدى. قىلمىستىق ءىس بويىنشا تەرگەۋ ناتيجەسىندە شەشىم قابىلدانادى"، - دەپ جازىلعان حابارلامادا.
