تۇركيادا جاڭا الەۋمەتتىك جەلى اشىلدى. تۇركيانىڭ مەملەكەت باسشىسى رەجەپ تايىپ ەردوعان الەۋمەتتىك جەلىدە العاشقى جازباسىن جاريالادى.
ول ءوز پاراقشاسىنا "ءبىر تال گۇل بەتون تاستى جارىپ شىقتى... دايىنسىزدار ما؟" دەپ جازدى ەردوعان.
شىلدە ايىنان باستاپ بەتا نۇسقاسى ىسكە قوسىلعان T3 Foundation جانە Baykar قولداۋىمەن ازىرلەنگەن تۇرىك ۇلتتىق الەۋمەتتىك پلاتفورماسىن 500 مىڭنان استام ادام جۇكتەگەن. بۇل پلاتفورمانىڭ باستى ەرەكشىلىگى تۇرىك تىلىنە نەگىزدەلىپ جاسالعان. سونداي-اق T3 AI جاساندى ينتەللەكت مودەلىنە ساي جاسالعان پلاتفورماداعى جازبالار مەن پىكىرلەرگە ۋاقىتى تالداۋ جاسالادى. Baykar ديرەكتورلار كەڭەسىنىڭ ءتوراعاسى سەلجۋك بايراكتار وسى جوبانىڭ نەگىزىن قالاعان.
اتالعان قوسىمشا App Store جانە Google Play تۇرىك سەگمەنتىندە تەگىن الەۋمەتتىك قولدانبالار ساناتىندا كوش باستاپ تۇر. پلاتفورمادا تەحنولوگيا، عىلىم، كۇندەلىكتى ءومىر مەن ەلدەگى وزەكتى وقيعالارعا قاتىستى جازبالارعا باسا نازار اۋدارىلادى.
