ق ر كولىك ءمينيسترى ەلىمىزدە «ياندەكس.تاكسي» سەرۆيسىمەن نارىقتا باسەكە قالىپتاستىراتىن سەرۆيس كەرەك ەكەنىن ايتتى. ونىڭ ايتۋىنشا، ەستونيالىق Bolt كومپانياسى قازاقستاندا جۇمىسىن باستاۋدى جوسپارلاپ وتىر.
«Bolt كومپانياسى نارىققا كىرىپ جاتىر. ولار الدىمەن ەلەكتروساموكاتتان باستاپ تاكسيگە ساتىلى تۇردە كوشەدى. ءقازىر «ياندەكسكە» نارىقتا InDrivە كومپانياسى دا باسەكە جاساپ كەلە جاتىر»، - دەدى مينيستر.
مينيستر «ياندەكس. تاكسي» سەرۆيسىنىڭ قازاقستاندىق نارىقتا جەتەكشى ويىنشى ەكەنىن جانە ولاردىڭ باعاسى راسىندا قىمبات ەكەنىن ايتتى. ءبىراق نارىقتاعى تاكسي باعاسىن مينيسترلىك رەتتەي المايتىنىن دا ءتۇسىندىرىپ ءوتتى.
