تۇركىستان وبلىسىندا دارىگەردى ۇرعان ادامعا قىلمىستىق ءىس قوزعالدى، دەپ حابارلايدى وبلىستىق پوليسيا دەپارتامەنتى. كۇدىكتى ۋاقىتشا ۇستاۋ اباقتىسىنا قامالدى.
"بولعان وقيعانىڭ بارلىق ءمان-جايىن انىقتاۋعا باعىتتالعان قاجەتتى ءىس-شارالار جۇرگىزىلۋدە. تەرگەۋ ناتيجەسىندە زاڭدى شەشىم قابىلدانادى"، - دەيدى ۆەدومستۆو.
قۇقىققا قايشى ارەكەت جاساعان ادام زاڭنان بۇلتارا المايدى. قىلمىستىق ءىس پوليسيا دەپارتامەنتى باسشىلىعىنىڭ باقىلاۋىندا، دەيدى پوليسيا.
ەسكە سالا كەتەيىك، تۇركىستاندا تۇسىك تاستاۋ ءقاۋپى تۋىنداعان جۇكتى كەلىنشەكتى كورۋگە بارعان 26 جاستاعى قۇدىرەت ءمۇتالىپوۆتى پاسيەنتتىڭ كۇيەۋى ۇرىپ تاستادى.
اۋىر سوققى العان جەدەل جاردەم قىزمەتكەرى ميى شايقالىپ، ءقازىر اۋرۋحانادا جاتىر.
