قازاقستاندا ەت باعاسى قىمباتتامايدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ حابارلادى.
مينيستر ايداربەك ساپاروۆتىڭ سوزىنشە، مال سانى جەتكىلىكتى.
"ەلىمىزدە مال باسى 17% ءوسىپ جاتىر. بۇرىن 7 ملن 900 مىڭ باس بولسا، ءقازىر 8 ملن 700 مىڭعا جەتتى. ءوسۋ قۇنىن ايتاتىن بولساق، بۇرىن مالدىڭ تىرىدەي باعاسى – 1200-1500 ارالىعىندا بولاتىن، ءقازىر 1700-1800-گە دەيىن ءوستى. ويتكەنى دارىلەۋى، سۋى، جەمى بار. ەت كۇيىندە باعا 200-300 تەڭگەدەن 500 تەڭگەگە دەيىن ءوسۋى مۇمكىن، ودان ارى قاراي وسپەيدى. فەرمەرلەردىڭ وتكىزىپ جاتقان ورتاشا كوتەرمە باعاسى 3200-3500 تەڭگە ارالىعىندا، ارى قارايعى باعا نارىقتاعى ساتۋشىلارعا بايلانىستى"، - دەدى مينيستر.
