قازاقستاندا ناشاقورلىقپەن كۇرەس كۇشەيىپ كەلەدى. بۇگىندە 18 مىڭنان استام ازامات ناركولوگ-دارىگەرلەردىڭ باقىلاۋىندا، ولاردىڭ باسىم بولىگى – جاستار. سوڭعى بەس جىلدا تاركىلەنگەن سينتەتيكالىق ەسىرتكى كولەمى 143 ەسەگە ارتقان. تەك بيىلدىڭ وزىندە قۇقىق قورعاۋ ورگاندارى 5 مىڭنان استام ەسىرتكى قىلمىسىن انىقتاپ، قوعامداعى جاعدايدىڭ قانشالىقتى كۇردەلى ەكەنىن كورسەتتى. بۇل ساندار – دابىل قاعارلىق دەڭگەيدە. ناشاقورلىق ەندى جاي عانا ءقاۋىپ ەمەس، تۇتاس ءبىر بۋىننىڭ دەرتىنە اينالىپ وتىر، دەپ حابارلايدى «AMANAT» پارتياسىنىڭ باسپا ءسوز قىزمەتى.
«AMANAT» پارتياسىنىڭ «جاستار رۋحى» جاستار قاناتى ءۇشىنشى جىل قاتارىنان ەلىمىزدە «ەسىرتكىگە جول جوق!» اكسياسىن وتكىزىپ كەلەدى. بۇل باستاما ءقازىردىڭ وزىندە ناشاقورلىق پەن ەسىرتكى قىلمىستارىنا قارسى كۇرەستىڭ باستى باعىتتارىنىڭ بىرىنە اينالدى. مىڭداعان ەرىكتى كۇن سايىن ەسىرتكى ناسيحاتىنا توسقاۋىل قويىپ، «زاڭ مەن ءتارتىپ» قاعيداتىن كۇشەيتۋگە جانە سالاۋاتتى ءومىر سالتىن ناسيحاتتاۋعا اتسالىسىپ وتىر.
اكسيا مەملەكەت باسشىسى قاسىم-جومارت توقايەۆتىڭ تاپسىرمالارىن ورىنداۋ اياسىندا جۇزەگە اسىرىلۋدا. پرەزيدەنت بىرنەشە رەت ناشاقورلىقپەن كۇرەستى كۇشەيتۋدىڭ قاجەتتىلىگىن اتاپ وتكەن بولاتىن. بيىل قاڭتاردا توقايەۆ ەسىرتكى قىلمىستارى ءۇشىن جازانى كۇشەيتەتىن زاڭعا قول قويدى. قۇجاتقا سايكەس، ەسىرتكى بيزنەسىن ۇيىمداستىرۋشىلار مەن زاڭدى بۇزعان قۇقىق قورعاۋشىلارعا ءومىر بويىنا باس بوستاندىعىنان ايىرۋ جازاسى ەنگىزىلدى. زاڭ جوباسىن ماجىلىستەگى «AMANAT» پارتياسى فراكسياسىنىڭ مۇشەلەرى ازىرلەدى. ال تامىز ايىندا وتكەن قاۋىپسىزدىك كەڭەسىنىڭ وتىرىسىندا پرەزيدەنت مەملەكەتتىك ساياساتتىڭ ناشاقورلارعا كەڭشىلىك تانىتىپ، ال ەسىرتكى ساۋداسىنا كەلگەندە قاتاڭ جانە مۇلدە توزبەۋشىلىك ۇستانىمدا بولۋعا ءتيىس ەكەنىن ەرەكشە اتاپ ءوتتى.
«ەسىرتكى قىلمىسكەرلەرى جاڭا اقپاراتتىق تەحنولوگيالاردى بەلسەندى قولدانۋدا. الەۋمەتتىك جەلىلەر ارقىلى جاستاردى جەڭىل جولمەن تابىس تابۋعا قىزىقتىرىپ، ولاردى ەسىرتكى تاسىمالداۋشىلارعا اينالدىرىپ وتىر. بۇل – تۇتاس بۋىنعا تونگەن ۇلكەن ءقاۋىپ. سوندىقتان پرەزيدەنت بىرنەشە رەت وسى الەۋمەتتىك كەسەلگە ەرەكشە نازار اۋداردى. ءبىز دە ناشاقورلىقپەن كۇرەسكە ءوز ۇلەسىمىزدى قوسىپ كەلەمىز. ءۇش جىلعا جەتپەي، 12 مىڭ ناركوگراففيتيدى جويدىق»، – دەدى «جاستار رۋحى» ءتوراعاسى اقەركە يسكاندەروۆا.
رۋحتاستار تەك ەسىرتكى جارناماسىن جويۋمەن شەكتەلمەي، جاستار اراسىندا اقپاراتتىق ماتەريالدار تاراتىپ، جۇزدەگەن كەزدەسۋ مەن فلەشموب ۇيىمداستىرۋدا. تەك سوڭعى ايلاردا ەلىمىزدىڭ ءار وڭىرىندە شامامەن 5 مىڭ جاس اكسياعا قاتىستى. ماسەلەن، وسكەمەندە پوليسيا ستۋدەنتتەرگە ەسىرتكى تاسىمالداۋشىلاردى ۇستاۋدىڭ ۇلگىسىن كورسەتتى. قۇقىق قورعاۋشىلار گراففيتي ارقىلى ەسىرتكى جارنامالاعانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتتى. ءقازىر وڭىردە ارنايى مونيتورينگ توبى جۇمىس ىستەيدى. ولار تىيىم سالىنعان جارنامالار تۋرالى دەرەكتەردى پوليسياعا جولداپ وتىر.
سالاۋاتتى ءومىر سالتىن ناسيحاتتاۋ دا باستى نازاردا. «چەمپيوندىق رۋح» جوباسى ارقىلى «جاستار رۋحى» جاستار قاناتى جاسوسپىرىمدەر مەن ستۋدەنتتەردى سپورتقا تارتىپ، چەمپيوندارمەن كەزدەسۋلەر مەن موتيۆاسيالىق سەسسيالار ۇيىمداستىرۋدا. باعدارلاما اياسىندا ەلىمىزدىڭ بارلىق وڭىرىندە تۋرنيرلەر، شەبەرلىك ساباقتارى مەن جاتتىعۋلار وتكىزىلىپ كەلەدى. ءىس-شارالارعا ونداعان تانىمال سپورتشى مەن مىڭداعان ءجاسوسپىرىم قاتىسۋدا.
سپورتتىق باستامالاردان بولەك، «جاستار رۋحى» جاستار قاناتى زاماناۋي فورماتتاردى دا بەلسەندى قولدانۋدا. «Bir Tolqynda» جانە «رۋحتاستار Cases» ديالوگ الاڭدارى جاستار اراسىندا سۇرانىسقا يە بولسا، IT سالاسىندا دا يننوۆاسيالىق جوبالار قولعا الىنعان. ماسەلەن، 2023 جىلى Astana Hub-پەن بىرلەسىپ «AMANAT TECH» اتتى رەسپۋبليكالىق حاكاتون وتكىزىلدى. بايقاۋدا قاتىسۋشىلار ناشاقورلىققا قارسى كۇرەس پەن تاۋەلدىلەردى وڭالتۋعا ارنالعان تىڭ شەشىمدەر ۇسىندى.
وسىلايشا «جاستار رۋحى» جاستار قاناتى ەلىمىزدە ەسىرتكىگە توزبەۋشىلىك مادەنيەتىن قالىپتاستىرىپ، «زاڭ مەن ءتارتىپ» قاعيداتىن نىعايتۋعا ۇلەس قوسىپ كەلەدى. رۋحتاستار بارلىق باعىتتا جۇيەلى ءارى ۇزدىكسىز جۇمىس جۇرگىزۋدە – كوشەلەردەگى ناركوجارنامالاردى جويۋدان باستاپ جاڭا سيفرلىق سەرۆيستەردى قۇرۋعا دەيىن. «ەسىرتكىگە جول جوق!» اكسياسى مەملەكەتتىڭ، پارتيانىڭ جانە جاستاردىڭ كۇش-جىگەرىن بىرىكتىرگەن تۇراقتى قوزعالىسقا اينالدى.
