بۇگىن استانادا Digital Bridge 2025 حالىقارالىق تەحنولوگيالىق فورۋمى باستالدى. فورۋمدا مەملەكەت باسشىسى قاسىم-جومارت توقايەۆ ءسوز سويلەدى. سونداي-اق، ءىس-شاراعا ماجارستان پرەزيدەنتى تاماش شۋيوك تا قاتىسىپ وتىر.
پرەزيدەنت بۇگىن وزىنە «سامۇرىق-قازىنا» ديرەكتورلار كەڭەسىنىڭ جي تەحنولوگيالارى بويىنشا جۇمىس ىستەيتىن ۆيرتۋالدى مودەلى تانىستىرىلعانىن ەرەكشە اتاپ ءوتتى.
«بۇگىن ماعان «سامۇرىق-قازىنا» ديرەكتورلار كەڭەسىنىڭ جي تەحنولوگياسىمەن جۇمىس ىستەيتىن ءۆيرتۋالدى مۇشەسىنىڭ قىزمەتىن كورسەتتى. بۇل – ۇلتتىق سۋپەركومپيۋتەر مەن قازاقستانداعى Alem LLM ۇلكەن تىلدىك مودەل بازاسىندا ىسكە اسىرىلعان ورتالىق ازياداعى العاشقى جوبا. ىشكى ۇدەرىستەردىڭ ءبارىن وڭتايلاندىرۋعا سەپتىگىن تيگىزەتىن مۇنداي شەشىمنىڭ ماڭىزى زور»، - دەدى پرەزيدەنت.
