قىركۇيەك ايىنىڭ قورىتىندىسى بويىنشا جىلدىق ينفلياسيا دەڭگەيى 12،9 پايىزدى قۇراپ، ق ر ۇلتتىق بانكىنىڭ ەڭ ناشار سەنارييىنەن (11-12،5 پايىز) دە، ق ر ۇكىمەتىنىڭ وپتيميستىك بولجامىنان دا (9-10 پايىز) اسىپ ءتۇستى. 

بۇل – نارىقتاعى قازىرگى باعا ديناميكاسىنىڭ رەسمي ورگانداردىڭ بولجامىنان الدەقايدا جوعارى ەكەنىن كورسەتەتىن فاكت.

قىركۇيەك ايىنىڭ قورىتىندىسى بويىنشا ەڭ جوعارى ينفلياسيا قاراعاندى وبلىسىندا (14،9 پايىز)، ەڭ تومەنگى كورسەتكىش قىزىلوردا وبلىسىندا (10،9 پايىز) تىركەلگەن. ايماقتىق كارتيناعا زەر سالساق، ءبىر ايلىق ينفلياسيا كولەمى دە 1،1 پايىزعا وسكەن.

وسىلايشا، ينفلياسيانىڭ جەدەل ءوسۋى ۇلتتىق ەكونوميكاعا تىكەلەي ءقاۋىپ ءتوندىرىپ وتىر. ەلدىڭ ەكونوميكالىق ساياساتىندا ءجىو ءوسىمى مەن ەكونوميكالىق ءوسىم ءبىر توبە بولسا، حالىقتىڭ ءال-اۋقاتى مەن ازاماتتاردىڭ ساتىپ الۋ مۇمكىندىگىنىڭ جوعارى بولۋى دا ءوز الدىنا ماڭىزدى باعىت.