ەلىمىزدىڭ باس مەرەكەسى – رەسپۋبليكا كۇنى قارساڭىندا قوعامدىق ماراپاتتار جونىندەگى رەسپۋبليكالىق كەڭەس پەن «ۋاقىت تاڭداۋى» اگەنتتىگىنىڭ بىرلەسكەن جوباسى بويىنشا جۇرگىزىلگەن بايقاۋدىڭ قورىتىندىسى شىعارىلدى.
جامبىل اتىنداعى مەملەكەتتىك اكادەميالىق فيلارمونياسى – جىلدىڭ ۇزدىك فيلارمونياسى اتالىمىندا باس جۇلدەگە يە بولدى. باستاۋىندا ايگىلى مۋزىكاتانۋشى، اكادەميك احمەت جۇبانوۆ تۇرعان بۇل كونسەرتتىك-ساحنالىق مادەني بەتكەۇستار مەكەمەنىڭ قۇرىلعانىنا بيىل 90 جىل تولىپ وتىر.
فيلارمونيا قۇرامىندا بۇگىندە ن. تىلەندييەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى، ب. بايقاداموۆ اتىنداعى مەملەكەتتىك حور كاپەللاسى، ت. ابدىراشيەۆ اتىنداعى ق ر مەملەكەتتىك اكادەميالىق سيمفونيالىق وركەسترى، قازاقستان رەسپۋبليكاسىنىڭ مەملەكەتتىك ۇرمەلى اسپاپتار وركەسترى، مەملەكەتتىك قاراعايلى ۇرمەلى اسپاپتار كۆينتەتى، ع. جۇبانوۆا اتىنداعى مەملەكەتتىك ىشەكتى اسپاپتار كۆارتەتى، مەملەكەتتىك كلاسسيكالىق گيتاريستەر كۆينتەتى سياقتى شىعارماشىلىق جەتى ۇجىم ەڭبەك ەتەدى. فيلارمونيا ۇجىمى كورەرمەنگە جىلىنا 250-280 كونسەرت ۇسىنادى.
ديرەكتورى –اقان جىلقىشىباي ۇلى ابدۋالييەۆ.
پوليگرافيا، باسپا ءىسى، كىتاپ ساۋداسى بويىنشا ماماندانعان «اتامۇرا» كورپوراسياسى – جىلدىڭ ۇزدىك باسپاسى رەتىندە جەڭىمپاز بولىپ تانىلدى. «اتامۇرا» باسپاسى – وقۋلىقتار مەن وقۋ-ادىستەمەلىك قۇرالدار، عىلىمي، عىلىمي-كوپشىلىك، كوركەم-ادەبي، ەنسيكلوپەديالىق باسىلىمدار شىعاراتىن امبەباپ باسپا. باسپا اۆتورلاردىڭ قۇقىعىن وزدەرىندە قالدىرا وتىرىپ قازاق جانە ورىس، باسقا دا شەتەل تىلدەرىندە جىلىنا جالپى كولەمى 1000 باسپا تاباقتان استام، تارالىمى 1،5 ملن دانا كىتاپتار مەن كىتاپشالار، 50 ملن دانادان استام ءتۇرلى پوليگرافيالىق ونىمدەر شىعارادى. ءىس جۇزىندە ۇلتتىق يدەولوگيامىزدى دامىتۋعا وراسان ۇلەس قوسىپ وتىر.
«اتامۇرا كىتاپحاناسى» سەرياسىمەن 2002 جىلدان باستاپ بۇگىنگى كۇنگە دەيىن ەلىمىزگە بەلگىلى 150-دەن استام اقىن-جازۋشىنىڭ تۋىندىلارى باسىلىپ شىقتى. بۇدان وزگە عىلىمي ادەبيەتتەر باسىپ شىعارۋ، «اتامۇرا كىتاپحاناسى»، «اتامۇرا» مەكتەپ كىتاپحاناسى»، «مەنىڭ تۇڭعىش كىتاپشام» سياقتى سەريالارمەن ءونىم شىعارۋ جالعاسىپ كەلەدى. سونداي-اق «اتامۇرا» كورپوراسياسى تاۋەلسىزدىك جىلدارىندا جاڭا بۋىن وقۋلىقتارىن شىعارۋعا دا ءوز ۇلەسىن قوستى.
بىرنەشە رەت باسپا-پوليگرافيا ونىمدەرى بويىنشا حالىقارالىق جۇلدەلەرگە يە بولدى.
كورپوراسيادا مىڭعا تارتا ادام ەڭبەك ەتەدى.
پرەزيدەنتى – راقىمعالي ابرار ۇلى قۇل-مۇحاممەد.
ساراپشىلاردىڭ ءبىراۋىزدان ۇيعارىمى بويىنشا «ءبىلىم-يننوۆاسيا» حالىقارالىق قوعامدىق قورى – جىلدىڭ ۇزدىك قورى دەپ تانىلدى.
«ءبىلىم-يننوۆاسيا» حالىقارالىق قوعامدىق قورى (بۇرىن KATEV قورى) 1992 جىلدان بەرى ساپالى ءبىلىم، سانالى تاربيە باعىتىندا جۇمىس ىستەپ كەلەدى. قور قىزمەتى «ءبىلىم-يننوۆاسيا» ليسەيلەرى مەن وزگە دە ءبىلىم بەرۋ ۇيىمدارىنىڭ ءبىلىم بەرۋ قىزمەتىن ۇيلەستىرۋگە، وسى ۇيىمداردىڭ قىزمەتىنە ادىستەمەلىك جانە ۇيىمداستىرۋشىلىق باسشىلىقتى جۇزەگە اسىرۋعا، ورتا جانە جوعارى ءبىلىم بەرۋ جۇيەسىن دامىتۋ ماقساتىندا باسقا دا مەملەكەتتىك جانە جەكە ءبىلىم بەرۋ ۇيىمدارىمەن ارىپتەستىك جەلىسىن دامىتۋعا باعىتتالادى. قور دارىندى بالالارعا ارنالعان 32 ليسەي مەن باسقا دا ارىپتەس مەكەمەلەردى بىرىكتىرىپ وتىر. قور جۇمىس ىستەپ كەلە جاتقان 33 جىلدىڭ ىشىندە ءپان وليمپيادالارىندا بيل شاكىرتتەرى حالىقارالىق دەڭگەيدە 4558 مەدال، رەسپۋبليكالىق ءبىلىم سايىستارىندا 5147 مەدال جەڭىپ العان.
ونىڭ ىشىندە 1017ء-سى حالىقارالىق التىن مەدال!
پرەزيدەنتى – وتە دارحان ەرماحان ۇلى.
قازاقستاندا وتىز جىلدان استام ۋاقىتتان بەرى حالال ستاندارتىمەن جۇمىس ىستەپ كەلە جاتقان «Ozyurt» مەيرامحانالارى – جىلدىڭ ۇزدىك قوعامدىق تاماقتاندىرۋ جەلىسى رەتىندە جەڭىمپاز بولدى. ول شىعىس پەن باتىس كۋحنيالارىنا وزىندىك كوپىر بولىپ وتىر.
«Ozyurt» مەيرامحانالارىنىڭ العاشقىسى تولەبايەۆ كوشەسى، 13 مەكەن-جايىنداعى رەستوران. ول تۇتىنۋشىلارعا تۇرىك تاعامى «دونەردى» ەڭ العاشقى بولىپ ۇسىندى. 2012 جىلى «Ozyurt food» برەندىمەن «اس ءۇي فابريكاسى» قۇرىلدى. بۇگىندە مەيرامحانا جەلىسى الماتىلىقتار مەن قوناقتاردىڭ جوعارى باعاسىنا يە.
بۇگىندە مەيرامحانانىڭ Ozyurt Tulebayeva، Ozyurt Aport Moll، Ozyurt Atakent Moll، Ozyurt Ush Sunkar، Ozyurt Aport East، Ozyurt Khan Shatyr سياقتى فيليالدارى جۇمىس ىستەپ تۇر. مەيرامحانالار جەلىسىنىڭ باستى ەرەكشەلىگى – تاعامدارىنىڭ دامدىلىگى مەن جوعارى ساپاسى.
«Ozyurt» مەيرامحانالار جەلىسىنىڭ ديرەكتورى – حامزا ارسلان.
