الماتىنىڭ تۇركسىب اۋدانى وسى ماۋسىمداعى ەڭ اۋقىمدى اباتتاندىرۋ جۇمىسىن اياقتاپ، تۇرعىندار تاڭداعان 32 جوبانى جۇزەگە اسىردى. 

وڭىرلىك كوممۋنيكاسيالار قىزمەتىندە تۇركسىب اۋدانىنىڭ اكىمى باقىتجان اقجاروۆ 2025 جىلى «حالىق قاتىساتىن بيۋدجەت» باعدارلاماسى اياسىندا قوعامدىق كەڭىستىكتى دامىتاتىن 32 جوبانىڭ ىسكە اسىرىلعانىن حابارلادى.

بيىل اۋدان اۋماعىندا:
— 7 جاڭا كەلبەتكە يە بولعان الاڭقاي،
— 6 جاڭا جاياۋ جۇرگىنشىلەر ايماعى،
— 6 اباتتانعان اۋلا اۋماعى،
— 6 اۆتوماتتى سۋارۋ جۇيەسى،
— 3 بالالار مەن سپورت الاڭدارى،
— 4 سىرتقى جارىقتاندىرۋ جەلىسى پايدا بولدى.

اكىمنىڭ ايتۋىنشا، تۇرعىندار اۋداننىڭ دامۋىنا قولداۋ ءبىلدىرىپ وتىر. ءقازىر 2026 جىلعا 359 رەكوردتىق ءوتىنىش تۇسكەن، بۇل تۋركسىبتىكتەردىڭ بەلسەندى بولا ءتۇسىپ، باعدارلاماعا ۇلكەن سەنىم ارتىپ وتىرعانىن كورسەتەدى.