جۇڭگو، رەسەي جانە يراننىڭ اسكەري-تەڭىز كۇشتەرى وڭتۇستىك افريكانىڭ كەيپتاۋن ماڭىندا ءبىر اپتاعا سوزىلاتىن بىرلەسكەن تەڭىز جاتتىعۋىن وتكىزۋدە. جاتتىعۋلار اقش-تىڭ ۆەنەسۋەلاعا ارالاسۋى مەن ۆەنەسۋەلالىق مۇناي تاسىمالدايتىن تانكەرلەردى تاركىلەۋىنە بايلانىستى گەوساياسي شيەلەنىس كۇشەيگەن تۇستا وتۋدە.
BRICS اياسىندا ۇيىمداستىرىلعان بۇل جاتتىعۋلار تەڭىز قاۋىپسىزدىگى مەن قاراقشىلىققا قارسى ءىس-قيمىلدى پىسىقتاۋعا باعىتتالعان. جۇڭگو، رەسەي جانە وڭتۇستىك افريكا — BRICSء-تىڭ بۇرىننان كەلە جاتقان مۇشەلەرى، ال يران بۇل ۇيىمعا 2024 جىلى قوسىلعان.
جاتتىعۋلار اقش پەن وڭتۇستىك افريكا اراسىنداعى قارىم-قاتىناستى ودان ءارى شيەلەنىستىرۋى مۇمكىن. ۆاشينگتون پرەتوريانى يران جانە رەسەيمەن اسكەري ىنتىماقتاستىعى ءۇشىن سىنعا الىپ كەلەدى. ال وڭتۇستىك افريكا ءوز كەزەگىندە بەيتاراپ، كوپۆەكتورلى سىرتقى ساياسات ۇستاناتىنىن مالىمدەۋدە.
