استانا سوتى داۋلەت پەن تولقىن توتاقانوۆانى اسا ءىرى كولەمدە الاياقتىق جاساپ، قىلمىستىق جولمەن الىنعان قاراجاتتى زاڭداستىردى دەپ تانىدى. تەرگەۋ مالىمەتتەرى بويىنشا، ەرلى-زايىتىلار اۋىر ناۋقاس بالاسىنىڭ ەمدەلۋىنە قاراجات جيناعان، الايدا 1،3 ملرد تەڭگەدەن تەك 6،4 ملن تەڭگەسى عانا ناقتى ەمگە جۇمسالعان. قالعان جينالعان قاراجاتتى جارنامالاۋعا، جىلجىمايتىن مۇلىككە، كولىكتەرگە جانە قۇمار ويىندارعا جۇمساعان. 

پروكۋرور ءارقايسىسىن جەتى جىلعا باس بوستاندىعىنان ايىرۋدى سۇراعان، ال تولقىننىڭ جاس بالاسى بار ەكەنىن ەسكەرە وتىرىپ، جازانى ەكى جىلعا كەيىنگە قالدىرۋ ۇسىنىلدى. سوت بۇل تالاپتى قاناعاتتاندىرا وتىرا ءارقايسىسىنا جەتى جىل تۇرمە جازاسى تاعايىندالدى، تولقىن توتاقانوۆانىڭ جازاسى ەكى جىلعا كەيىنگە شەگەرىلدى. سونىمەن قاتار، ولارعا ون جىل بويى قايىرىمدىلىقپەن اينالىسۋعا جانە دونورلىق قاراجات جيناۋعا تىيىم سالىندى، مۇلىكتەرى تاركىلەندى.

سوڭعى سوزىندە تولقىن توتاقانوۆا قاراجاتتى تەك بالاسىنىڭ ەمدەلۋىنە جۇمساعانىن ايتىپ، ءوزىن پايىزدىق زايم بەرۋشىلەردىڭ قۇربانى دەپ اتادى. سوتتالۋشى ءوزىنىڭ جۇبايىنىڭ اقشانى جۇمساۋعا قاتىسپاعانىن جەتكىزدى.

ايىپتالۋشى سوتتان وزدەرىنە جەڭىل جازانى نەمەسە وتەماقى كولەمىندە تاعايىنداۋدى سۇرادى.