قازاقستان مۇسىلماندارى ءدىني باسقارماسى ديپفەيكتەردى جاساۋ مەن قولدانۋعا تىيىم سالاتىن ءدىني قۇجات شىعاردى.
ديپفەيكتەر – جاساندى ينتەللەكت ارقىلى جاسالعان، فوتو، اۋديو نەمەسە ۆيدەو ماتەريالداردىڭ شىنايى كورىنەتىن جالعان نۇسقالارى.
يسلام عىلىم مەن تەحنيكانىڭ دامۋىن تىيىمدامايدى، دەپ اتاپ ءوتتى باسقارما. الايدا بۇل دامۋ ادامنىڭ يگىلىگىنە قىزمەت ەتۋى، ءادىل ءارى ادامگەرشىلىككە ساي بولۋى، سونداي-اق شاريعات قاعيدالارى اياسىندا جۇزەگە اسىرىلۋى ءتيىس. زيان تۋدىرمايتىن بارلىق تەحنولوگيالارعا رۇقسات بار.
“جالعان جاڭالىق جاساۋ ءۇشىن قولدانىلاتىن ديپفەيكتەر شاريعاتقا قارسى. مۇنداي جالعان اقپارات ەلدەگى بەيبىتشىلىكتى بۇزىپ، قوعامدا بولىنۋشىلىك تۋدىرادى. ەگەر بۇل ارەكەتتەر الدىن الىنباسا، سالدارى ەل بىرلىگىن شايقاپ، قوعامعا زيان تيگىزەدى”، – دەلىنگەن قمدب سايتىندا.
