اقش يرانعا ارالاسۋ نۇسقالارىن قاراستىرۋدا — ترامپ اسكەري جانە كيبەرقادامداردى جوققا شىعارمايدى.

اقش پرەزيدەنتى دونالد ترامپ يراندا ۇكىمەتكە قارسى جاپپاي نارازىلىقتار كۇشەيگەن تۇستا، ەلگە قاتىستى ىقتيمال ارالاسۋ نۇسقالارىن قاراستىرىپ جاتىر.

اق ۇيدە ترامپقا يرانداعى جاعدايعا جاۋاپ رەتىندە اسكەري سوققىلاردان باستاپ كيبەرشابۋىلدار مەن جاسىرىن وپەراسيالارعا دەيىنگى ءتۇرلى سەنارييلەر بويىنشا بايانداما ۇسىنىلماق.

ساراپشىلاردىڭ ايتۋىنشا، اقش دروندار مەن زىمىران سوققىلارىن، كيبەرقارۋ قولدانۋدى نەمەسە يراننىڭ اسكەري جانە ەنەرگەتيكالىق ينفراقۇرىلىمىنا شابۋىل جاساۋدى قاراستىرۋى مۇمكىن. سونىمەن قاتار سانكسيالاردى كۇشەيتۋ جانە ينتەرنەتتى قالپىنا كەلتىرۋ ارقىلى نارازىلىقتاردى قولداۋ نۇسقالارى دا تالقىلانۋدا.

يرانداعى تولقۋلار جەلتوقسان ايىنىڭ سوڭىندا ەكونوميكالىق داعدارىس پەن ۇلتتىق ۆاليۋتانىڭ كۇرت قۇنسىزدانۋىنان كەيىن باستالعان.

قۇقىق قورعاۋ ۇيىمدارىنىڭ دەرەگىنشە، قاقتىعىستار سالدارىنان 500-دەن استام ادام قازا تاپقان.

يران بيلىگى اقش پەن ءيزرايلدى "ەل ىشىندەگى تۇراقسىزدىقتى قوزدىرۋدا" دەپ ايىپتاپ، كەز كەلگەن شابۋىلعا قاتاڭ جاۋاپ بەرەتىنىن ەسكەرتتى.

ساراپشىلاردىڭ پىكىرىنشە، اقش-تىڭ تىكەلەي سوققىسى ايماقتا اۋقىمدى قاقتىعىسقا ۇلاسۋى مۇمكىن.