يرانداعى ۇكىمەتكە قارسى نارازىلىقتارعا بايلانىستى تەگەرانعا قارسى قولدانىلۋى مۇمكىن اسكەري جانە جاسىرىن (كيبەر، پسيحولوگيالىق) شارالار جونىندە اقش پرەزيدەنتى دونالد ترامپتىڭ قاتىسۋىمەن بريفينگ بولعان. بۇل تۋرالى پەنتاگونداعى دەرەككوزدەرگە سىلتەمە جاساپ BBC حابارلادى.
مۇمكىن نۇسقالار قاتارىندا الىس قاشىقتىقتاعى زىمىران سوققىلارى، كيبەروپەراسيالار جانە يراننىڭ باسقارۋ جۇيەلەرى مەن بايلانىسىن السىرەتۋ ارەكەتتەرى بار. اق ۇيدە سەيسەنبى كۇنى يران ماسەلەسىنە ارنالعان قاۋىپسىزدىك كەڭەسى وتىرىسى ءوتۋى مۇمكىن.
ادام قۇقىقتارىن قورعاۋ ۇيىمدارىنىڭ دەرەگىنشە، سوڭعى ءۇش اپتادا يراندا 600-دەن استام نارازىلىققا قاتىسۋشى قازا تاپقان. وسىعان بايلانىستى ترامپ يرانمەن ساۋدا بايلانىسى بار ەلدەرگە 25 پايىزدىق باج سالىعىن ەنگىزەتىنىن مالىمدەدى.
يران تاراپى كەلىسسوزدەرگە دايىن ەكەنىن ايتقانىمەن، سوعىسقا دا ءازىر ەكەنىن ەسكەرتتى. ساراپشىلار اقش-تىڭ كەز كەلگەن اسكەري قادامى ايماقتاعى جاعدايدى ودان ءارى ۋشىقتىرۋى مۇمكىن ەكەنىن اتاپ وتۋدە.
