جاپونيا مەن فيليپپين قىتايمەن شيەلەنىس كۇشەيىپ جاتقان تۇستا ەكى جاڭا قورعانىس كەلىسىمىنە قول قويدى.
كەلىسىمدەر ەكى ەلدىڭ اسكەرلەرى بىرلەسكەن جاتتىعۋلار وتكىزگەن كەزدە ءوق-دارى، جانارماي، ازىق-تۇلىك جانە باسقا دا قاجەتتى رەسۋرستاردى سالىقسىز الماسۋعا مۇمكىندىك بەرەدى.
سوڭعى جىلدارى توكيو مەن مانيلا اسكەري ىنتىماقتاستىقتى ايتارلىقتاي ارتتىرىپ، اقش-پەن بىرگە قاۋىپسىزدىك سەرىكتەستىگىن نىعايتىپ كەلەدى. جاپونيا فيليپپينگە پاترۋلدىك كەمەلەر مەن بايلانىس قۇرالدارىن جەتكىزگەن.
تاراپتار وڭتۇستىك جۇڭگو تەڭىزىندە ناۆيگاسيا ەركىندىگى مەن حالىقارالىق قۇقىقتى قورعاۋ ماڭىزدى ەكەنىن اتاپ ءوتتى. بۇل كەلىسىمدەر قىتايدىڭ ايماقتاعى ىقپالىن كۇشەيتۋ ارەكەتتەرىنە جاۋاپ رەتىندە قابىلدانىپ وتىر
