فرانسيانىڭ ۇلتتىق اسسامبلەياسى 15 جاسقا دەيىنگى بالالارعا الەۋمەتتىك جەلىلەردى قولدانۋعا تىيىم سالاتىن زاڭ جوباسىن قابىلدادى. ەندى زاڭ سەناتتىڭ قاراۋىنا جىبەرىلەدى.
بۇل باستامانى پرەزيدەنت ەممانۋەل ماكرون قولداپ وتىر. ونىڭ ايتۋىنشا، زاڭ بالالاردى شامادان تىس ەكران ۋاقىتى مەن الەۋمەتتىك جەلىلەردىڭ كەرى اسەرىنەن قورعاۋعا باعىتتالعان. سونىمەن قاتار، قۇجاتتا ليسەيلەردە ۇيالى تەلەفون قولدانۋعا تىيىم سالۋ دا قاراستىرىلعان.
زاڭ كۇشىنە ەنسە، فرانسيا اۆستراليادان كەيىن مۇنداي قادامعا بارعان ەكىنشى ەل بولماق. بيلىك جاڭا تالاپتاردى 2026–2027 وقۋ جىلىنان باستاپ ەنگىزۋدى جوسپارلاپ وتىر.
بيلىك وكىلدەرى الەۋمەتتىك جەلىلەردىڭ جاسوسپىرىمدەردىڭ پسيحيكالىق دەنساۋلىعىنا كەرى اسەرى، كيبەربۋللينگ پەن زياندى كونتەنت ءقاۋپى ارتقانىن اتاپ ءوتتى. ال كەيبىر ساياساتكەرلەر بۇل تىيىمدى «شامادان تىس باقىلاۋ» دەپ سىنعا الدى.
