الماتى وبلىسى مەن شىعىس قازاقستان وبلىسىنىڭ التى تۇرعىنى جۇڭگو–ەۋروپا باعىتىنداعى حالىقارالىق تەمىرجول جەلىسىندە جاسالعان ۇرلىقتار ءۇشىن جاۋاپقا تارتىلدى. سوت ولاردى 4 جىل مەرزىمگە باس بوستاندىعىن شەكتەۋ جازاسىنا كەستى.

ىشكى ىستەر مينيسترلىگىنىڭ مالىمەتىنشە، قىلمىستار 2024 جىلدىڭ تامىز ايىنان 2025 جىلدىڭ ءساۋىر ايىنا دەيىنگى كەزەڭدە جاسالعان. كۇدىكتىلەر قازاقستان اۋماعىندا تەمىرجول كونتەينەرلەرىن زاڭسىز اشىپ، ىشىندەگى تاۋارلاردى ۇرلاعان. ۇرلانعان ونىمدەردىڭ قاتارىندا بالالار اربالارى، بەينەباقىلاۋ كامەرالارى، اۆتوكولىك قوسالقى بولشەكتەرى جانە وزگە دە تاۋارلار بولعان.

كولىكتەگى پوليسيا قىزمەتكەرلەرى قىلمىستىق توپتىڭ بارلىق مۇشەسىن 2025 جىلدىڭ ءساۋىر ايىندا ۇستادى. تەرگەۋ بارىسىندا ولاردىڭ كەمىندە ءتورت ەپيزودقا قاتىسى دالەلدەندى. كەلتىرىلگەن جالپى ماتەريالدىق شىعىن كولەمى 212 ميلليون تەڭگەدەن اسقان.

ۆەدومستۆو مالىمەتىنشە، قىلمىستىق ءىس اياسىندا جابىرلەنۋشى جۇك يەلەرىنە كەلتىرىلگەن زالال تولىق كولەمدە وتەلگەن.

سوت ۇكىمى زاڭدى كۇشىنە ەندى