الماتى وبلىسىندا 2026 جىلى ناۋرىز ايىنىڭ سوڭىنا دەيىن 7200 ورىندى 9 «كەلەشەك مەكتەبىنىڭ»  قۇرىلىس جۇمىسى اياقتالادى دەپ جوسپارلانعان. ونىڭ ىشىندە 5 مەكتەپ ءۇش اۋىسىمدى وقىتۋدى جويۋ ءۇشىن، (الاتاۋ قالاسى قويانقۇس اۋىلى، ىلە اۋدانى تىلەندييەۆ اۋىلى، قاراساي اۋدانى بۇلاقتى اۋىلى، تالعار اۋدانى تۇزدىباستاۋ، جالقامىس اۋىلدارىنداعى مەكتەپتەر) جانە 4 مەكتەپ (ەڭبەكشىقازاق اۋدانى ساتاي، اششىساي اۋىلدارى، تالعار اۋدانى قىزىلتۋ، كوكتال اۋىلدارىنداعى مەكتەپتەر) وقۋشى ورنىنىڭ جەتىسپەۋ ماسەلەسىن شەشۋ ءۇشىن سالىنۋدا.

وسىلايشا، ءۇش اۋىسىمدا وقيتىن مەكتەپتەر سانى 28-دەن 23-كە دەيىن قىسقارادى.  

وبلىستاعى 13 مەكتەپتىڭ كۇردەلى جوندەۋ جۇمىسىن جۇرگىزۋ ءۇشىن جەرگىلىكتى بيۋدجەتتەن 10،9 ملرد تەڭگە ءبولىندى.

وعان ەڭبەكشىقازاق اۋدانىنداعى 3 (ماساق، نۇرلى، ى.التىنسارين اتىنداعى مەكتەپتەر)، جامبىل اۋدانىنداعى 1 (ت.رىسقۇلوۆ اتىنداعى مەكتەپ)، قاراساي اۋدانىنداعى 2 (م.ءاۋەزوۆ اتىنداعى ورتا مەكتەپ، ي.نۇسىپبايەۆ اتىنداعى مەكتەپ-ينتەرناتى)، كەگەن اۋدانىنداعى 1 (قارقارا مەكتەبى)، تالعار اۋدانىنداعى 4 (№10، №12، №24، №2 ورتا مەكتەپتەرءى)، ۇيعىر اۋدانىنداعى 1 (№1 مەكتەپ سپورتزالى) جانە قونايەۆ قالاسىنداعى 1 مەكتەپ (ا.جۇبانوۆ اتىنداعى №5 ورتا مەكتەپ) كىرەدى.

قازىرگى ۋاقىتتا 2 مەكتەپ قولدانىسقا بەرىلدى (ەڭبەكشىقازاق اۋدانى ماساق ورتا مەكتەبى، تالعار اۋدانى بەلبۇلاق اۋىلىنداعى №10 مەكتەپ). قالعان 11 مەكتەپتەگى كۇردەلى جوندەۋ جۇمىسى 2026 جىلدىڭ ماۋسىم-شىلدە ايلارىندا اياقتالادى.