تاياۋ شىعىستاعى ماڭىزدى تەڭىز جولى – ورمۋز بۇعازى ماڭىندا جاعداي كۇرت شيەلەنىستى.

يران سىرتقى ىستەر ءمينيسترى ابباس اراگچي اقش-تى ايماقتاعى قاقتىعىسقا قايتا ارالاسپاۋعا شاقىرىپ، «باتپاققا قايتا باتپاڭدار» دەپ ەسكەرتتى.

ال دونالد ترامپ باستاعان «Project Freedom» وپەراسياسى اياسىندا اقش اسكەرى بۇعازدا تۇرىپ قالعان جۇك كەمەلەرىن ءقاۋىپسىز الىپ شىعۋدى قولعا العان.

يران بۇعازدى تولىق باقىلاۋدا ۇستايتىنىن مالىمدەپ، سوڭعى تاۋلىكتە اسكەري جانە كوممەرسيالىق كەمەلەرگە زىمىراندار جانە دروندارمەن شابۋىل جاساعانىن حابارلادى. اقش ءوز كەزەگىندە جەتى يراندىق «جىلدام كەمەگە» سوققى جاساعانىن مالىمدەدى، ءبىراق تەگەران بۇل مالىمدەمەنى جوققا شىعاردى.

شابۋىلدار سالدارىنان وڭتۇستىك كورەيا جانە ءباا كەمەلەرى زاقىمدانعان.

سونىمەن قاتار يران شابۋىلى ناتيجەسىندە باا-دەگى مۇناي قويماسىندا ءورت شىققانى ايتىلدى.

قازىرگى تاڭدا بۇعازدا شامامەن 2000-عا جۋىق كەمە تۇرىپ قالعان. اقش مالىمەتىنشە، ەكى امەريكالىق كەمە ايماقتان شىعىپ ۇلگەرگەن. ال Maersk كومپانياسى ءوز كەمەلەرىنىڭ ءبىرى اقش اسكەري سۇيەمەلدەۋىمەن بۇعازدان وتكەنىن حابارلادى.

جاعدايدىڭ ۋشىعۋى الەمدىك ساۋدا مەن مۇناي تاسىمالىنا ۇلكەن ءقاۋىپ ءتوندىرىپ وتىر.