«ءبىزدىڭ باسقا وتانىمىز جوق. ءبىرتۇتاس ۇلت بولىپ جۇمىلىپ، قوعامدى بىرىكتىرە الساق، كەز كەلگەن بەلەستى باعىندىرىپ، الدىمىزعا قويعان ماقساتتارعا قول جەتكىزەمىز»، - پرەزيدەنت قاسىم-جومارت توقايەۆتىڭ پارلامەنت پالاتالارىنىڭ سوڭعى بىرلەسكەن وتىرىسىندا ايتقان وسى ءسوزى جاڭا ساياسي كەزەڭنىڭ باستى باعدارىنا اينالدى. بۇگىن سول كەزەڭنىڭ ماڭىزدى وقيعالارىنىڭ ءبىرى ءوتتى: Respublicaپارتياسى سايلاۋالدى ناۋقانعا رەسمي تۇردە كىرىستى.

ەلوردادا Respublica پارتياسىنىڭ كەزەكتەن V تىس سەزى ءوتتى. وعان پارتيا باسشىلىعى، ورتالىق جانە وڭىرلىك كەڭەستەردىڭ مۇشەلەرى، فيليال ءتوراعالارى، دەپۋتاتتار، سونداي-اق Respublica Jastary جانە ReWomenقاۋىمداستىقتارىنىڭ بەلسەندىلەرى قاتىستى. دەلەگاتتار پارتيانىڭ الداعى دامۋ باعىتىن ايقىنداپ، الداعى ەلەكتورالدى كەزەڭگە قاتىستى نەگىزگى شەشىمدەردى قابىلدادى.

سەزدە پارتيانىڭ ءۇش جىلداعى جۇمىسى قورىتىندىلاندى. وسى ۋاقىت ىشىندە Respublica ءوز باعدارلاماسىن زاڭ شىعارۋ قىزمەتى، قوعامدىق باستامالار جانە وڭىرلىك جەلىنى دامىتۋ ارقىلى جۇيەلى تۇردە ىسكە اسىردى. پارتيا دەپۋتاتتارى ونداعان زاڭنامالىق باستاما كوتەرىپ، دەپۋتاتتىق ساۋالدار جولدادى، ازاماتتاردىڭ 12 مىڭنان استام ءوتىنىشىن قارادى، جاستار مەن ايەلدەرگە ارنالعان ءىرى ءبىلىم بەرۋ جوبالارىن جۇزەگە اسىرىپ، پارتيانىڭ كادرلىق رەزەرۆىن قالىپتاستىردى.

دەلەگاتتار پارتيا جارعىسىنا وزگەرىستەر مەن تولىقتىرۋلارەنگىزۋدى قولدادى. قۇجات جاڭا كونستيتۋسيا تالاپتارىنا سايكەستەندىرىلىپ، پارتياىشىلىك باسقارۋ جۇيەسىن جەتىلدىرۋگە، ورتالىق اپپارات پەن وڭىرلىك قۇرىلىمداردىڭ جۇمىس تيىمدىلىگىن ارتتىرۋعا، سونداي-اق اشىقتىق پەن ىشكى پارتيالىق دەموكراتيانى كۇشەيتۋگە باعىتتالعان. وزگەرىستەر قوعامدىق قاتىسۋ تەتىكتەرىن كەڭەيتۋدى، وڭىرلىك ۇيىمداردىڭ ءرولىن ارتتىرۋدى جانە كادرلىق راسىمدەردى جەتىلدىرۋدى كوزدەيدى.

سەزدىڭ نەگىزگى شەشىمدەرىنىڭ ءبىرى — Respublica پارتياسىنىڭ جاڭا سايلاۋالدى باعدارلاماسىن بەكىتۋ بولدى. قۇجات «ازاماتتىڭ يگىلىگى – جاۋاپتى قوعام – ءتيىمدى مەملەكەت – ءقاۋىپسىز ەل» قاعيداتىنا نەگىزدەلگەن. باعدارلاما كاسىپكەرلىكتى قولداۋ، جاڭا جۇمىس ورىندارىن قۇرۋ، مەملەكەتتىك باسقارۋدى جاڭعىرتۋ، ءبىلىم بەرۋ مەن دەنساۋلىق ساقتاۋ ساپاسىن ارتتىرۋ، سيفرلاندىرۋ، قۇقىقتىق ينستيتۋتتاردى نىعايتۋ، ادامي كاپيتالدى دامىتۋ جانە قوعامدىق قاۋىپسىزدىكتى قامتاماسىز ەتۋگە باعىتتالعان ناقتى باستامالاردى قامتيدى.

باعدارلامانى تانىستىرعان پارتيا ءتوراعاسى ايداربەك قوجانازاروۆ:

«قازاقستاننىڭ باستى بايلىعى – جەر قويناۋىنداعى قازبا بايلىق ەمەس، ونىڭ ادامدارى. ءبىز ەكونوميكانى تىڭدايتىن، جاڭا سالالاردى قولدايتىن جانە ادال باسەكەنى قورعايتىن مەملەكەت قۇرۋ ءۇشىن جۇمىس ىستەيمىز»، – دەدى.

پارتيانىڭ تەڭ ءتوراعاسى دينارا شۇكىجانوۆا باعدارلامانىڭ يندۋستريالىق بلوگىن تانىستىرىپ، ناقتى سەكتوردى قولداۋ باسىمدىقتارىنا توقتالدى. «مەن ماشينا جاساۋ سالاسىندا جۇمىس ىستەيمىن جانە قازاقستاندىق وندىرۋشىلەردىڭ كۇندەلىكتى كەزدەسەتىن ماسەلەلەرىن جاقسى بىلەمىن. سوندىقتان بازالىق سالالاردى دامىتۋعا ارنالعان ناقتى ءارى ەسەپتەلگەن شەشىمدەر قاجەت»، – دەدى ول.

سەزدە سايلاۋعا قاتىساتىن Respublica پارتياسىنىڭ كانديداتتار ءتىزىمى دە بەكىتىلدى. 76 كانديداتتان قۇرىلعان ءتىزىم جاڭارۋ، كاسىبيلىك جانە كەڭ قوعامدىق وكىلدىك قاعيداتتارى نەگىزىندە جاساقتالعان. كانديداتتاردىڭ ورتاشا جاسى – 40،9 جاس. تىزىمگە 44 ەر ازامات، 32 ايەل، 11 جاس، مۇگەدەكتىگى بار 3 ازامات،سونداي-اق PolitIQ مەكتەبى مەن پارتيانىڭ كادرلىق رەزەرۆىنەن شىققان 10 تۇلەك ەندى.

دەلەگاتتار پارتيا ءتوراعاسى ايداربەك قوجانازاروۆتىڭ وكىلەتتىك مەرزىمىن تاعى ءۇش جىلعا ۇزارتۋ تۋرالى شەشىم قابىلداپ، باقىلاۋ-تەكسەرۋ كوميسسياسىنىڭ جاڭارتىلعان قۇرامىن بەكىتتى.

سەزد قورىتىندىسىندا پارتيا باسشىلىعى Respublica ۇيىمداستىرۋشىلىق قالىپتاسۋ كەزەڭىن اياقتاپ، جاڭا سايلاۋالدى باعدارلامامەن، كاسىبي كوماندامەن جانە ەلدى دامىتۋعا ارنالعان ناقتى ۇسىنىستارمەن ساياسي دامۋدىڭ كەلەسى كەزەڭىنە قادام باسقانىن مالىمدەدى.

انىقتاما:

• كەزەكتەن تىس V سەزگە قازاقستاننىڭ بارلىق وڭىرىنەن دەلەگاتتار وفلاين جانە ونلاين فورماتتا قاتىستى.
• كۇن تارتىبىندە التى ماسەلە قارالدى: ءۇش جىلدىق جۇمىستىڭ قورىتىندىسى، پارتيا ءتوراعاسىن سايلاۋ، جارعىعا وزگەرىستەر ەنگىزۋ، سايلاۋالدى باعدارلامانى بەكىتۋ، باقىلاۋ-تەكسەرۋ كوميسسياسىنىڭ قۇرامىن جاڭارتۋ جانە پارتيالىق كانديداتتار ءتىزىمىن ۇسىنۋ.