QR Mádenıet jáne sport mınıstrligi brıtandyq «SUPERB FILMS CORPORATION LIMITED» kınokompanıasymen birigip, Isa Paıǵambar jaıynda eki derekti fılm jáne Shyńǵys han týraly kórkem fılm túsirmekshi, - dep habarlaıdy «Qamshy» portaly Skifnews.kz silteme jasap. 

Keshe mınıstr Arystanbek Muhamedıuly men ulybrıtanıalyq kompanıanyń basshysy Kent Volvın jáne Qazaq ǵylymı-zertteý mádenıet ınstıtýty arasynda úshjaqty kelisimge qol qoıylyp, osy kelisim aıasynda birneshe joba júzege asatyn boldy, - dep jazady basylym.

Atap aıtqanda, 2016 jáne 2017 jyldary taraptar birlese «We will rock you» múzıklyn túsirýdi josparlap otyr. Sonymen qatar, Qazaqstan aýmaǵynda «Shyńǵys han» ataýymen kórkem fılm jáne Isa Paıǵambar jaıynda eki bólimdi derekti fılm túsirmekshi. Sońǵysy eldegi konfesıaaralyq tatýlyqty nyǵaıtýǵa negizdelgen deıdi A.Muhamedıuly.

Búginde 100-den astam fılm túsirip úlgergen Kent Volvın qazaqstandyq kınematografıaǵa qyzyǵýshylyq tanytyp otyrǵanyn jetkizdi. Atap aıtqanda, kıno mamany bizdiń elde Shyńǵys hannyń jas kezin baıandaıtyn kórkem fılmniń túsirilimin qolǵa alamyn dep qulshynyp otyr.

Al, byltyr kórermenge jol tartýy tıis bolǵan Qazaq handyǵy týraly kópserıaly fılmniń taǵdyry áli kúnge deıin belgisiz kúıde. Joba rejıseri men prodúseri qarjynyń tapshylyǵynan túsirilim jumystarynyń kesheýildep jatqanyn buǵan deıin aıtqan bolatyn. Tipti, olar BAQ-tardyń birine bergen suhbatynda tarıhı týyndynyń qaryzǵa túsirilip jatqandyǵyn da jaıyp saldy.