+18-ge TOLǴANDARǴA ARNALADY

(ESKERTÝ: anaıy, ádepsiz, taǵysyn taǵy dep kinálaıtyndar da, aqyl aıtqyshtar da oqymasyn).

...Bizde bári jańalyq búginde. Tilshilerdiń serıaldan kórgenderine eliktegen túri. Fızıonomıań tanymaldaý, óziń kishkene ataqtylaý bolsań, jetip jatyr... Ár jer-ár jerden "jaǵa jyrtysyp" talasyp nemese azdap jaǵympazdanyp alǵan anaý-mynaý marapatyń men sólkebaıyń bolsa, tegi jaqsy. Aldyńnan "dańǵyl jol" ashyldy deı ber, jýrnalıs bitkenniń nazaryndasyń! Ásirese, bala týýǵa qabiletti áıel men týǵyza alatyn erkektiń jasynda bolsań tipti keremet! Shaqalaq ta - "juldyz"!

"Tórtinshi márte áke atandy!", "Besinshi ret ana boldy!" Oıpyr-aı, sonda "áke" degen sózge anyqtama qospasa, qadiri kemı me, álde neshinshi balasy ekenin kózge shuqyp kórsetkende baǵasy arta ma? Qazaqtyń bala qyrqynan shyqqansha jerdiń balasy emes ekenin aıtatyny bylaı tursyn, ájelerdiń ózi balalarynyń sanyn aıtpaýshy edi... Saýatsyz taqyryp qoıyp jahanǵa jar sap júrgenderge álgi týyp-týǵyzyp jatqandar da túk demeıdi-aý... Ne desin biraq... Qazaqstanda tanymal adam, oı, oı, ne dep kettim, onda da shoý-bıznestiń aınalasyndaǵy tanymal "tulǵalar" túshkirip qalsa da jańalyq ekeni esimnen shyǵ-y-y-p ketedi! Artynyń qaıyryn bersin ne bolsa da... 

Py.Syy. Ne ǵoı, aqyry jalaýlatqan soń, bir otala álgi páleninshi ret áke-sheshe atandyrǵan bala áıel men erkek, «to est ata-anasy neshe ret jynystyq qatynasqa túskende, anyǵy neshinshisinde paıda bolypty, áıeldiń ózi týyp pa, álde kesar tiliginiń arqasynda ómirge kep pe ol sábı, otany kim jasaǵan eken, ol dáriger - akýsher-gınekolog hám hırýrgtiń neshinshi márte jasaǵan otasy... Sonyń bárin de tizip shyqsańdarshy, qyzyq bolady sonda...

Aıgúl Bolathanqyzynyń Feısbýktegi paraqshasynan alyndy.