Túnde Astana qalasynda salynyp jatqan «Abý-Dabı Plaza» munarasynda órt bolyp, ony sóndirý jumystaryna kómek kórsetý úshin kókke tikushaq kóterilgen, - dep habarlaıdy «Qamshy» portaly Tengrinews.kz-ke silteme jasap.

Qurylysy 2010 jyly bastalǵan, 2017 jyly paıdalanýǵa berilýi tıis nysannyń qurylys ornynda túnde órt shyǵyp, ol týraly habar órt sóndirý qyzmetine saǵat 04.40-ta túsken. On mınýt ishinde oqıǵa ornyna jetken órt sóndirýshiler alapat órtke tap kelgen. Órt munaranyń 11-25 qabattarynyń aralyǵyn sharpyǵan.

Órtti sóndirýge barlyǵy 78 órt sóndirýshi men qutqarýshy, 27 órt sóndirý-qutqarý tehnıkasy, basqa da 12 tehnıka men Astana qalasy İİD jeke quramynan 24 adam jumyldyrylǵan. Sondaı-aq, órt aýqymyn naqty baǵalaý úshin «Qazavıaqutqarý» qyzmetiniń «Eýrokopter-145» tikushaǵy áýege kóterilgen.