Mońǵol balanyń ánin aınytpaı salǵan adamǵa eski valúta baǵamymen 1000 AQSH dollaryn berem degen Baıan Esentaeva baıqaýdyń fınalısterin jarıalady, - dep habarlaıdy «Qamshy» portaly.

Esentaeva hanym "Spoı toch v toch" baıqaýynyń aıaqtalǵanyn jarıalap, Instagram paraqshasynda eki fınalıstiń esimin atady.

«Sizderdiń talpynystaryńyz úshin alǵys bildiremin. Dostar, men myna eki favorıttiń qaısysy qıyn tapsyrmany úzdik oryndap shyqqanyn anyqtaýǵa kómektesýlerińizdi suraımyn. Sizderdiń daýystaryńyz jeńimpazdy anyqtaıdy. Dúısenbi kúni jeńimpazǵa 180 myń teńgeni tabys etemin», - dep jazady B. Esentaeva.

Baıan jarıalaǵan baıqaýdyń eki fınalısti de Astana qalasynyń turǵyndary: stýdent Bekjan Saýyrbaev pen kishkentaı Arsen Tahan.

Esterińizge salsaq, Baıan Esentaevaǵa atalǵan mońǵol balanyń ánin aınytpaı aıtý týraly «Qamshy» portaly da baıqaý jarıalaǵan bolatyn.