Óskemendik kásipker, Astanada qaza bolǵan stýden Erasyl Áýbákirov isi boıynsha kúdikti Aıan Meıirbaevtiń ákesi Esen Meıirbaev Tengrinews.kz-ke bolǵan oqıǵaǵa qatysty pikirin bildirgen, - dep habarlaıdy «Qamshy» portaly.

redaksıasy óskemendik bıznesmen Esen Meıirbaevpen baılanysqa tústi.

Esen Meıirbaev suhbatynda balasyn sıpattap berdi. "(...) Tergeý organdary barlyǵyn anyqtap, bolyp jatqan oqıǵaǵa aqylǵa qonymdy túsinik beredi. Aıanǵa keler bolsam, ol jaqsy bala. Oǵan qatysty aıtylyp jatqan sóz maǵan aýyr tıip otyr, biraq ashýǵa berilmeımin, eshkimdi aıyptamaımyn, eshkimdi qorǵashtamaımyn. Belgili bir kúsh qurylymdary bar, olar barlyǵyn anyqtaıdy", - dedi ol.

Qazirgi ýaqytta Aıan Meıirbaevtyń ákesinen osy is boıynsha kýáger retinde jaýap alyný ústinde. Ol balasynan ertede Erasyl Áýbákirov jaıly estimegenin, onyń ústine osy is boıynsha aty atalyp otyrǵandar jaıly da bilmegenin aıtyp berdi. "Meniń balam shaǵyn komersıalyq kelisimder boıynsha satyp alý júıesinde keıbir tapsyrmalarymdy oryndap júrdi. Ol kompanıamda zań jónindegi keńes berýshi maman boldy", - dep túsindirdi ol. 

Al "İri bıznesmen retinde tergeý barysyna áser etip, qysym túsire alasyz ba?" degen suraqqa ol bylaı dep málimdedi: "Kásipker degen kim? Ol qudaı emes, quzyry bar adam emes. Ol qarapaıym eńbekqor, tańǵy altydan túngi on ekige deıin túrli nysandarda jumys isteıdi. Eger ol ómirinde jetistikke jetse, óz aqylymen, eńbegimen jetedi. Al ol kásipkerdiń balasy bolsa, mindetti túrde bireý bolýy kerek pe?". 

Sonymen qatar, ol áleýmettik jelilerde taralyp jatqan vıdeolar men aýdıolarǵa qatysty oıyn aıtty. "(...) Muny da tergeý sheshedi. Oqıǵanyń árbir saǵatyn, árbir mınýtyn, sekýndyn qalpyna keltirýge bolady. Bul ádil bolady. Sol nysanda ne bolǵanynyń barlyǵyn anyqtaıdy", - dedi ol.  

Esen Meıirbaevtyń advokaty, ókili Erlan Bekbolov tergeý múddesine qatysty qupıa materıaldardy taratpaý jóninde ótinish bergenderin aıtty. "Vıdeodaǵy máselge tergeý baǵa beredi. Biz ótinish berdik, shyn máninde bul sýretter men vıdeolar tergeý múddesi úshin qupıa saqtalýy tıis, olar qoǵamdyq pikirdi qalyptastyrady, muny qoldanyp ketýge múddeli adamdar bolýy múmkin, sondyqtan bul tergeýdiń ádil ótýine jáne tolyq bolýyna áser etýi múmkin. Sondyqtan biz osy materıaldardyń budan bylaı Internette paıda bolmaýyna qatysty ótinish túsirdik. Bizge tergeýdiń qupıalyǵy jaıly aıtady, biraq bizge belgisiz derekkózderden vıdeolar men sýretter paıda bolyp, birjaqty pikirdi qalyptastyrady", - dedi ol.

Bekbolovtyń aıtýynsha, tarap ázirshe resmı málimdeme jasamaıdy. "Quzyrly organdardyń resmı málimdemelerin kútý durys bolar edi. İsti QR İİM tergeý departamenti tergep jatyr. Óz isiniń mamandary iske kiristi. Aıanǵa QR Qylmystyq kodeksiniń 99-baby boıynsha aıyp taǵyldy. Biz tergeýdiń nusqasymen kelispeımiz, tergeýdiń aıaqtalýyn kútip otyrmyz. Tergeý múddesine baılanysty qupıalardy biz jarıa ete almaımyz. (...) Aıandy 10 aqpanda ustady", - dedi advokat. 

"Ol ushaqpen ózi keldi. Eshkimnen jasyrynǵan joq. Ol maǵan Óskemenge ushyp keldi de, basynan ótken jaǵdaıdy túsindirdi. Men osynda ushyp keldim. Oǵan qaıtyp ketip, túsindirýi kerektigin aıttym. Qashyp ketkisi kelse, qashatyn edi, jasyrynǵysy kelse, onyń oǵan múmkindigi boldy. Ol shaqyrtylǵan kúni-aq ushaqqa otyrdy da, Astanaǵa ushyp keldi. (...) Basty nazardy meniń ulyma aýdaryp otyrǵandary baıqalady, famılıasyn atap. Olaı bolsa barlyǵynyń da aty-jóniniń atalǵanyn qalaımyn", - dedi Esen Meıirbaev. 

23 jastaǵy Erasyl Áýbákirovtiń denesi 10 aqpanda jedel-izdestirý jumystarynyń barysynda tabyldy. Qylmys jasady degen kúdikpen tórt adam ustaldy. 

Erasyl Áýbákirov elordadaǵy joǵary oqý ornynyń altynshy kýrsynda oqydy. 3 aqpanda úıinen shyǵyp ketip, qaıta oralmady. Kelesi kúni dostary onyń joǵalyp ketkenin habarlady. Áýbákirov ıntern-hırýrg bolǵan. Stýdenttiń dostary onyń úzdik oqyǵanyn, belsendi bolyp, qatarlastarymen jaqsy qarym-qatynasta bolǵanyn atap ótti.