Keshe saıtymyzda prodúser Baıan Esentaeva jarıalaǵan baıqaýdyń eki fınalısti anyqtalǵanyn habarlaǵan bolatynbyz.

Búgin prodúser kishkentaı balanyń mońǵol tilindegi ánin aınytpaı qaıtalaı alǵan 21 jastaǵy stýdent Bekjan Saýyrbaev (vıdeo) pen Arsen Tahan (vıdeo) esimdi balaǵa júldeni teń bólip beretinin aıtty.

«Men óz daýysymdy oń jaqta turǵan balaǵa berer edim. Biraq, árıne kúshteri teń emes. Kishkentaı bala óziniń jasyna laıyqty óte jaqsy aıtyp shyqqan. Saıystyń qıyndyǵyn eskere otyryp, men jeńisti eki birdeı adamǵa berýdi uıǵardym. Quttyqtaımyn!, – dep jazdy prodúser. Ol sondaı-aq, barsha qatysýshylarǵa da alǵysyn bildirdi.

Eske sala ketsek, Baıan Esentaeva óziniń Instagramdaǵy paraqshasynda konkýrs uıymdastyryp, jeńimpazǵa 1000 dollar aqshalaı syıaqy berýge ýáde etken bolatyn. Saıys sharty boıynsha, kez-kelgen qatysýshy mońǵol balasynyń óleńin dál sol daýys yrǵaǵymen qaıtalap shyǵýy tıis bolatyn.