Jol apatyn jasap 4 birdeı adamdy óltirgen shymkenttik Murat Tánkeevke qatysty sot úkim shyǵardy, - dep habarlaıdy «Qamshy» portaly SN.KZ-ke silteme jasap.

Búgin Shymkent qalasy Ál-Farabı aýdandyq soty M.Tánkeevke 9 jyl bas bostandyǵynan aıyrý týraly úkim shyǵardy. Alaıda, qylmysker jazasyn ádettegi túzeý mekemesinde emes, qonys kolonıasynda óteıtin bolady. Aıypty sondaı-aq, 4 jylǵa kólik júrgizý quqyǵynan da aırylyp otyr. Al, sýdıa jábirlenýshi taraptyń shaǵymynda kórsetilgen materıaldyq shyǵyndy óteý talabyn qanaǵattandyrǵan joq. Tek moraldyq shyǵyn úshin Tánkeevtiń týystary 1,5 mıllıon teńge tóleıtin bolyp sheshildi.

Esterińizge salaıyq, ótken jyldyń 22 qarashasy kúni Murat Tánkeev "Leksýs" kóligimen joldyń qarsy baǵytyna shyǵyp, joǵary jyldamdyqpen "Aýdı 80" kóligine soqtyǵysqan bolatyn. Saldarynan "Aýdıde" bolǵan tórt adam kóz jumdy. Olardyń arasynda 1 jáne 5 jastaǵy eki sábı de bar edi, marqumdardyń barlyǵy bir otbasynyń músheleri.

Oqıǵadan keıin júrgizilgen sot-medısınalyq saraptama Murat Tánkeevtiń kólikti mas kúıde júrgizgendigin anyqtady.

Búgin tańerteń ótken sot otyrysynda prokýror sýdıadan aıyptyny 9 jylǵa bas bostandyǵynan aıyrýdy, jazasyn jalpy rejımdegi kolonıada óteýin suraǵan bolatyn. Alaıda, tústen keıin ótken sońǵy otyrysta sýdıa M. Tánkeevke "jeńildik jasap", ony tolyqtaı bas bostandyǵynan aıyrǵan joq, ıaǵnı 9 jyldyq jazasyn qonys kolonıasynda óteýge úkim shyǵardy.

Sottyń bul sheshimimen jábirlenýshi tarap kelispeıtidigin aıtyp otyr. Olar endi joǵary ınstansıalarǵa aryzdanbaq.