Búgin Elbasy 7 myń adamdyq meshit qurylysynyń jobasymen tanysty, sondaı-aq qaladaǵy dinı konfesıa jáne zıaly qaýymmen kezdesti, - dep habarlaıdy «Qamshy» portaly QMDB saıtyna silteme jasap.

Memleket basshysyn qurylys alańynda Bas múftı Erjan qajy Malǵajyuly, Almaty qalasynyń ákimi Baýyrjan Baıbek, sonymen qatar, sharaǵa naıb múftı Serikbaı qajy Oraz, Almaty qalasynyń bas ımamy Nurbek Esmaǵanbet, bas arhıtektor Jarylǵap Qazybek jáne shyǵarmashylyq ıeleri qarsy aldy.

Alataý aýdanyndaǵy qurylysy josparlanǵan ǵımarattyń jalpy alańy - 16 myń sharshy metr. Arhıtektýralyq jobaǵa sáıkes, meshitte bıiktigi 75 metrlik birneshe munara bolady. Keshenniń ortalyq bóliginde 9 kúmbezdi negizgi ǵımarat ornalasady. Sondaı-aq onyń quramyna ıslam kitaphanasy, ákimshilik bólik, namaz oqıtyn zaly bar áıelder korpýsy, dinı rásimder ótkizýge arnalǵan zal, oqý-aǵartý toptaryna arnalǵan jáne medrese synyptary bar erler bóligi, sondaı-aq sheberhana men dúkender kiredi.